Iragarria zuen bileren zikloa amaitzera doa asteazken honetan, azaroaren 12an. Aginagako Eliza Zaharrean, Kalezarko Pelaioenean, Santueneko frontoi ondoko lokalean, Txokoaldeko Txokoargi elkartearen egoitza, Atxegalden Bustinzulo elkarteak baliatzen duen lokalean edota Zubietako Kaxkapen aurkeztu du EHBilduren udal gobernu taldeak, azkenaldian landutako 2026rako udal aurrekontuen proposamena.
Azaroaren 5etik 12ra iragarritako zortzi saioko bilera zikloa gaur borobilduko dute. Asteazken honetan, herri erdiguneko bizilagunekin bildu asmo dute Potxoenean.
Hitzordu horretan aipatu aurrekontuon berri emateaz gain, "tokian tokiko gaiez hitz egiteko ere baliatuko dira", aurreratu dutenez. Saio horiekin batera, "oposizioko alderdiek ere tartea izango dute proposamena aztertu eta ekarpenak egiteko".
Usurbilgo EHBilduren udal gobernu taldetik jakinarazi dutenez, urte berriko egitasmoak bideratzea ahalbideratuko duten aurrekontuen egitasmoa, azaroaren 27an egingo den udalbatzaren osoko bilkuran hasieraz onartu asmo dute, "hala, abenduan jendaurrean jarri, eta 2026 hasieran martxan egoteko moduan egon daitezen".
2026ko udal aurrekontuei lotutako bilera sorta
Azaroak 12, asteazkena
18:00 Kaxkoa (Potxoenean).
Deitzailea: udal gobernu taldea.
2026ko udal aurrekontu proposamena aurkezteko azken deitu ditu EHBilduren udal gobernu taldeak gaur, azaroaren 12an Potxoenean.