Baliabiderik gabeko pertsonak laguntzeko Kaleko Afari Solidarioak (KAS) herri egitasmoa abiarazi zuten Donostian, 2020ko azaroan. Kalean bizi direnentzako sukaldatutako afari beroa prestatu eta banatzeari ekin zioten. Boluntario sare horrekin bat egin asmo du orain Usurbilek. Hilean behin, afari bat prestatu asmo dago udalerri honetan auzolanean. Lehen otordura begirako elikagaien eta baliabideen bilketa antolatu dute asteburu honetan, azaroaren 29an eta 30ean.
Gaurkoa zuten lehen elkartasun bilketa eguna. Sutegi atarian jarritako postu solidarioan diru ekarpenak egin, elikagai eta baliabideak helarazi edota herri ekimen honi buruzko informazioa jasotzeko aukera izan da. Aipatu moduan, igandean, hilaren 30eko 24. Erle Egunean segida izango du elkartasun ekimen horrek.
Afari solidarioetarako elikagai eta baliabide bilketa
Egunak: azaroak 29 eta 30.
Ordua: 11:00-14:00.
Tokia: Usurbilgo frontoia.
Zehaztasunak: Donostiako Kaleko Afari Solidarioak herri ekimenari laguntzeko herritar taldea osatu da Usurbilen. Horretarako, elikagai eta baliabide bilketa egingo dute azaroaren 29an eta 30ean. Honako hauek bildu nahi dituzte:
-Elikagaiak: dilistak, olioa, pasta, arroza, kontserbako garbantzu eta lekaleak (haragirik gabeak).
-Baliabideak: laguntza ekonomikoa ere beharko da. Bertan, itsulapiko bat izango dugu, nahi duenak borondatea eman dezan.
-Parte hartzea: afari solidarioak hilean behin egingo dira Usurbilen. Parte hartu nahi izanez gero bertaratu eta animatu parte hartzera.
Informazio gehiagorako: 688 85 08 24.
Antolatzailea: Usurbilgo Afari Solidarioak.
