Fernando Iturralde historialariak, Joseba Urretabizkaia argazkilariak eta Xabier Kerexeta etnografoak ondutako "Argizaiola" liburua aurkeztu dute larunbat arratsalde honetan, azaroaren 29an Salbatore elizan. Bihar herriko plaza hartuko duen 24. Erle Eguna girotzen hasteko hitzordua izan da. "Euskal kulturan lehen aldiz liburu bakar batean ehunka argizaiolak, ohialek, fuesek eta aizkorak osatutako erakusketa bat biltzen da, heriotzari lotutako milaka urteko gure kulturaren hileta errituekin, ohiturekin eta tradizioekin zuzenean lotuta dauden piezak".
Liburuaren egileek argitalpenaz luze zabal hitz egin dute elizara joandakoen aurrean. Gogoan izan, bihar izango da urteko hitzordu gozoena:
24. Erle Eguna
Azaroak 30, igandea
09:00-10:00 Ezti eta gozogintza bilketa.
11:00-14:00 Azoka: produktuen salmenta, erakusketak Sutegin, Marrazki Lehiaketako lanak, bideoak. Horrez gain: ezti dastaketa frontoian, eztiarekin eta txokolatearekin egindako goxoak, argizaiola, Balerdipekoen eskutik, kandelak egiteko aukera.
13:30 Euskal Herriko 24. Ezti, gozogintzako eta marrazki lehiaketen sari banaketa.
Antolatzailea: Erle Lagunak.
Laguntzailea: Usurbilgo Udala.
