Idatzizko sorkuntza lanak, diskak, sagardoa, osagarriak, jatekoa, apaingarriak... eta gehiago. Ezin hornituagoa dator Kulturguneak, Udalak eta Hurbilagok sustaturiko 650 Usurbil Bizi otarra. Larunbat honetan, Hurbilago elkarteak berak antolaturiko Udazkeneko Azokan aurkeztu dute.
Albiste honi atxikitako talde argazkian duzue, egitasmoaren aurtengo edizioan parte harturiko Usurbilgo ekoizle eta sortzaileen ordezkaritza bat. Haiek guztiek urte amaieran zozketatuko diren otarrak herri sorkuntzaz eta ekoizpenaz osatzeko eginiko ekarpen oparoa goiz osoan zehar ikusgai izan da. Ondoko irudiotan ikus dezakezue, herritik eta herriarentzat prestaturiko saskiok dakartena.
Hurbilagoren datozen deialdiak
Abenduak 1-26
650 Usurbil Bizi Otarren zozketan parte hartzeko txartelak eskuratzeko aukera, herriko saltokietan eginiko erosketen truke, sari moduan.
Abenduak 26 ostirala
Herriko denda, taberna, jatetxe eta ile-apaindegi bakoitzeko bezeroen artean 650 Usurbi Bizi Otarren egitasmoko sarituak zein diren erabakiko da zozketa bidez.
Abenduak 27, larunbata
13:30 650 Usurbil Bizi Otarren banaketa ekitaldia Usurbilgo frontoian.
Abenduak 31, asteazkena
17:00 Hurbilago San Silbestre Herri Lasterketa frontoitik.
