Urte amaierarako antolaturiko tailer gehiagorekin bat egiteko aukera

Antzerkigintza tailerra Pelaioenean
Ixabel Agirresarobek Belmonte auzo elkarteak antolaturiko antzerki tailer bat eskainiko du abenduko oporraldian 8-12 urte artekoentzat, Kalezarko Pelaioenean, abenduaren 22an, 23an, 26an eta 27an, goizez, 10:30-12:00 artean. Izena emateko epea zabalik da. Horretarako email bat idatzi behar zaio Ixabeli, helbide honetara: ixabel.agirresarobe@gmail.com Tailerrean parte hartzeko 20 euro ordaindu beharko dira. Gehienez 12 lagunentzako tokia egongo da.


Arrobitxulo
"Gero Bat Gaurdanik: Arrobitxulo eraikitzen" topaketak antolatu ditu Arrobitxulo elkarguneak abenduaren 26ra arte. Ziklo horren baitan zenbait tailer. Saio horietan guztietan izena emateko aukera duzue hilaren 19ra arte, instagram.com/arrobitxulo/ helbidean.

Abenduak 22, astelehena
17:30 Sormen tailerrak Potxoenean:
-"Bineten artean" komikigintza tailerra, Joseba Larratxe "Josevyski"-rekin.
-"Sortzen" joskintza tailerra Ione Iruretagoienarekin.
-Bertsogintza Lierni Errekondorekin.

Abenduak 24, asteazkena
11:00 Talo tailerra Usurbilgo talogileen eskutik Usurbilgo frontoian.


Anerreka
Usurbilgo ingurumen elkarteak panpa-lezka kentzeko azaroaren 29an eginiko Foru Aldundiak eskainitako formazio saioaren ondotik, hilaren 23an, goizeko 10:00etan Ugartondoko konposta-gunean biltzeko hitzordua finkatu dute, panpa-lezka kentzeko. Bertaratu eta ekimenean parte hartu nahi duenak "gogoratu, hosto ertz zorrotzak dauzkala panpa-lezkak eta eskuak babesteko gomendagarria dela eskularruak ekartzea".


Santuenea K.E.
Buztinarekin jolastu eta margotzeko saio bana antolatu du Santuenea Kultur Elkarteak hurrengo neguko oporraldirako. Lehen saioa, abenduaren 29an izango da, 17:00-19:00 artean, auzoko ludotekan, Santuenea 16an, buztinarekin jolasteko. Urtarrilaren 7rako programatu dute bigarren saioa, ordu eta leku berean, "buztina margotzen" izenekoa. Izen-emateko aukera ezberdinak izango dira:
-Bi saioetarako: Santuenea Kultur Elkarteko bazkideek 2 euro, gainerakoek 7 euro.
-Saio bakarrerako: Santuenea Kultur Elkarteko bazkideek euro bat, gainerakoek 4 euro.
Izen-ematea: 621 095 644 / santueneake@gmail.com

KzGunea
Abenduaren 23ra arte, 09:00-13:00 artean irekiko dute Usurbilgo KzGunea. Hona hemen, aurtengo azken ikastaroen eta 2026rako programaturiko lehenengoen berri:
-Abenduak 16-19, 09:00-11:00 "Ikasi online banka modu erraz eta seguruan erabiltzen".
-Abenduak 22-23, 09:00-11:00 "Online izapideak Osakidetzarekin".
-Urtarrilak 7-15, 18:00-20:00 “Smartphoneak eta tabletak. Zure Android gailua erabiltzen ikasi”.
-Urtarrilak 16, 18:00-20:00 “Google Translate. Testuak eta web orriak itzuli”.
-Urtarrilak 19-30, 16:00-18:00 “Oinarrizko Interneta. Nabigatzen eta posta elektronikoak bidaltzen ikasi”.
Informazio gehiago:
943 023 684
tutor.usurbil@kzgunea.net

Kantu Taldea
Etenaldia izango du hurrengo asteotan Usurbilgo Euskal Kantu Taldeak. 2026an barneratzearekin batera, ordea, ikasturte berriari ekingo diote, hamazazpigarrenari hain zuzen. Astelehenero arratsaldeko 18:00etan elkartzen segiko dute urtarrilaren 12tik aurrera Agerialdeko musika gelan. Urte berriko lehen kantu-jira, aldiz, hilaren 31n egingo dute. 12:00etan abiatuko dira Mikel Laboa plazatik.

Eskulanen tailerra
Gantxilloa, bolilloa... lantzeko taldea osatua dute Usurbilen. Etumeta AEK euskaltegiak duen egoitzan (Kale Nagusia 43, behea) biltzen dira, astelehen goizero bi orduz, 9:30-11:30 artean. Urritik ekainera izango dira bertan.

Dantza garaikide ikastaroa
Asteazkenetan batuko dira kiroldegian, 19:00-20:30 artean. Helduei zuzendua egongo da. Izena emateko, deitu telefono hauetako batera: 657739523 (Marta), 627310660 (Marijo). Prezioa: 40 euro, hilean.