Erregeen etorrerarako girotzen hasiak dira herrian. Ikusi bestela, ilara luze askoa eragin du astelehen goiz honetan, urtarrilaren 5ean, Ziortza Gazte Elkarteak frontoian antolaturiko goizpasaren baitan, erregeen postarien etorrerak.
Gaztetxoenen gutunak jaso dituzte frontoian jarritako oholtza gainean. Trukean, hamaika gozoki eman dizkiete. Zereginotan aritu aurretik, belaunaldi gazteenarekin jolasean aritu dira. Artean, marrazketarako tartea hartu dute beste hainbatek, edota hiru erregeak irudikatuak ageri ziren murala margotzekoa.
Eguzkipean goxo zegoen arren, hotz handiko goiza izan da astelehen honetako hau. Gogotsu bertaratu dira, ordea, erregeen etorreraren zain ziren haurrak frontoian Ziortza Gazte Elkarteak antolaturiko girotze goizera.
