Urtarrilaren 3az geroztik Katalunian jokoan izan da erkidego autonomoak lehian jarri dituen Espainiako Eskubaloi Txapelketa. Ostegun honetan, urtarrilaren 8an jokatuko dira finalak eta azken neurketa horietarako sailkatu da herrikide bat; Mikel Alzaga. Jubenil nesken mailako euskal selekzioaren gidaria da usurbildar hautatzaile eta entrenatzailea.
Egunotan, hiru neurketa jokatu ditu aipatu selekzioko taldeak. Hiruretan nagusitu da; 33-17 Galiziakoekin jokatutako neurketan, 28-34 Nafarroakoekin lehiaturikoan eta, azkenik, 36-34 kanariar irletakoekin izandako partidan. 6 punturekin, sailkapen buruan iritsi da ostegun honetako, urtarrilaren 8ko finalera.
Valentziaren aurkako neurketa jokatu du jubenil nesken euskal selekzioko taldeak Kataluniako Blanes udalerrian. Goizeko 10:00etan hasi den neurketa txapeldunorde amaitu du taldeak.
Bide batez, hemen, asteburura begira, Usurbil K.E.-k helarazitako xehetasunen arabera, herriko eskubaloi taldeek jokatuko dituzten neurketen hitzorduak:
Eskubaloia...
Oiardo kiroldegian
Urtarrilak 10, larunbata
09:45 Kadete neskak A: Cortes Usurbil K.E. - Urnieta Lanchas Bus
11:15 Kadete mutilak: Usurbil K.E. - Urola E.K. RSA
19:15 Senior mutilak: Saizar Usurbil K.E. - Egia Eskubaloia
Kiroldegitik kanpo
Urtarrilak 10, larunbata
18:00 Kadete neskak: Kirkil OET-Bilagun Usurbil K.E.
18:00 Senior neskak: Egia Taupada taberna-Urbil-Usurbil K.E.
18:30 Jubenil neskak: Leizaran BrikoGoros-Usurbil K.E.
Urtarrilak 11, igandea
11:30 Jubenil mutilak: Bacalaos Santymar Hondarribia Bidasoa-Usurbil K.E.