"Bertako plazerra" lelopean, gaur aurkeztu du Euskal Sagardoa izen deiturak aurtengo uztaren balantzea Donostian. Guztira 4,4 milioi sagar bildu dira, eta bildutako sagarrekin 3,1 milioi litro sagardo egin dituzte izen 46 sagardotegik. Sagar uzta ona izan den arren, esperotakoa baina %15 sagar gutxiago bildu dituzte aurten.
Jakinarazi dutenez, sagardotegi denboraldiak hainbat irekiera ekitaldi egingo ditu herri eta eskualde desberdinetan. Usurbilen, Saizar sagardotegian egingo dute urtarrilaren 15ean, osteguna, 20:00etan egingo dute.
Berrikuntzak
Hainbat berrikuntza abiatu zituzten lehengo urtean, eta aurten ere aukeran egongo dira. Sagardotegi batzuetan bisita laburra edo dastatze gidatua egiteko aukera izango da otorduez gain. Sagardotegietan otorduak edota irteerak erreserbatzeko sagardoa.eus webgunea abiatu dute. Webgunean ere, sagardotegietako botilak erosteko aukera dago.