Aurreneko hitzordua, izatez, otsailaren 6rako zuten iragarria, xake festa hain zuzen. Udal liburutegitik ohartarazi dutenez, ordea, bi astez geroratzea erabaki dute aipatu ekintza, ostiral honetara, hilaren 20ra arte hain zuzen.
Ikasi nahi dutenentzat, nahiz dakitenentzako saioa izango da, 8 urtetik gorakoei zuzendurikoa. Horrez gain, Idoia Torregarai Martija herrikideak mikroipuin tailerra eskainiko du biharamunean. Segidan dituzue xehetasunak:
Negua liburutegian
Otsailak 20, ostirala
17:00/18:30 Xake festa, 8 urtetik gorakoentzat. Bi saio:
17:00 Hastapena: jokatzen ikasi.
18:30 Xake jokoa dakitenentzako saioa.
Izen-ematea: aurrez liburutegian.
Otsailak 21, larunbata
11:30 Mikroipuin idazketa tailerra.
Bideratzailea: Idoia Torregarai Martija.
Nori zuzendua: 16 urtetik gorakoei eskainia.
Izen-ematea: aurrez liburutegian.
Martxoak 2, astelehena
18:30 XXVII. gaztelerazko solasaldia. "Herman Melvilleren "Bartleby, el escribiente" liburua aztertuko da.
Bideratzailea: Ana Merino.
Oharra: liburua eskuragarri, liburutegian bertan.
Martxoak 16, astelehena
17:30 Irakurketa solasaldia. Mintzagai izango duten liburua, Yolanda Arrietaren "Txokolategia" izango da. Eskuragarri Sutegi Liburutegian.
Nori zuzendua: 12 urtetik gorakoentzat.
Martxoak 26, osteguna
18:00 Lur Kortaren ipuin kontaketa saioa, 3-4 urteko haurrentzat eta euren guraso edo zaintzaileentzat.
Antolatzailea: Sutegi udal liburutegia.