A8 autopista itxiarazi du kamioi baten matxurak Oriorako noranzkoan

Noaua Aldizkaria 2026ko otsailaren 23a
Deskargatu Info Ahotsak :
Español English Français Català Galego

Argazkia: SOS Deiak.

Astelehen arratsaldeko 13:00ak aldera kamioi batek izandako matxurak A8 autopista itxiarazi du Oriorako noranzkoan.

 

Astelehen arratsaldeko 13:00ak aldera ezbeharra izan da udalerri hau zeharkatzen duen A8 autopistan. Antza, kamioi batek matxura izan eta su hartu du.

Eusko Jaurlaritzaren Trafiko Zuzendaritzak jakinarazi duenez, errepidea itxi behar izan dute Oriorako noranzkoan. Tarte batean errei bat ireki dute, baina errepidea itxi behar izan dutela berriz jakinarazi dute geroago.

Gertakariak hainbat kilometrotako auto-ilara eragin du, Trafiko Zuzendaritzak Aritzeta inguruan duen segurtasun kamerak jasotako irudian ikus daitekeen moduan.

Zenbait ordutan autopista guztiz itxita izan ostean Oriorako noranzkoan, dagoeneko errei bat zabaldu dutela jakinarazi dute.

 

Gizartea