Giro ederrean egin da igande goiz honetan, martxoaren lehenean, Donostian antolaturiko 36. Lilatoia. Gogoan izan, herriko 85 emakumeek parte hartu dute, Martxoaren 8aren atariko lasterketa ezagunean.
Giro eder horrek ekimenaren ostean ere Usurbilen bertan izan du jarraipena. Emakumeon Etxetik iragarria zuten moduan, pintxo pote musikatua egin dute eguerdi partean Artzabalgo atarian. Giro eguzkitsua lagun, jan-edan goxoarekin, Anukek eta Elenek girotu dute otordu tarte hau. Bertan izan dira, Lilatoian parte harturiko hainbat herriko lasterkari.
Ekimena, Martxoaren 8ra begira Emakumeon Etxetik iragarritako deialdietako bat izan da, baina ez bakarra. Autodefentsa feminista ikastaroa antolatu dute abiatzear dugun asterako:
Usurbilgo Emakumeon Etxea
Martxoaren 8a Usurbilen
Martxoak 6-7, ostirala eta larunbata
Euskal Herriko aditu nagusietakoa den Maitena Monroyk bideraturiko autodefentsa feminista hastapen tailerra martxoaren 6an (17:00-20:30 artean) eta martxoaren 7an (10:00-14:30 artean) Emakumeon Etxean. Izen-ematea: emakumeonetxea@usurbil.eus / 943 377 112.
Antolatzailea: Usurbilgo Emakumeon Etxea.
Ikastaroak
Martxoak 12-maiatzak 21 (ostegunero)
17:00-19:00 Etxeko konponketen tailerra.
Formatzailea: Izaskun Gurrutxaga Etxeberria.
Zehaztasunak: "Etxean, ohiko lanez gain, tarteka sortzen dira beste zenbait behar. Lanpara hondatu da edo entxufe batek ez du funtzionatzen. Iturriak ura galtzen du eta komuneko bonbak ez du ondo ixten. Apal bat jarri nahi dugu edo lekuz aldatu nahi dugu. Hormak pintatu behar ditugu, edo zenbait konponketa egin ostean txukundu egin nahi ditugu. Ikastaroaren helburua da sor daitezkeen beharrei aurre egin eta konponketa txikiak egiteko oinarrizko ezagutzak eskuratzea: tresnak ezagutu eta erabiltzen ikasiko dugu, beldurra galdu eta konfiantza hartuz".
Izen-ematea: martxoaren 10era arte.
Kultur hitzorduak
Martxoak 12, osteguna
18:00 Arantxa Urretabizkaiak idatzitako “Zahartzaroaren maparen bila” liburuaren aukezpena. Idazlea bertan izango da.
Apirilak 18, larunbata
19:00 "Filipa Balbina: Klown emakumeak historian" ikuskizuna-dokumentala. Bea Larrañaga.
Zehaztasunak: "Antzezpena Bea Larrañaga emakume pailazoak egingo du. Zenbait pailazo antzeztuko ditu, hiru clown-arketipo baliatuta: aurpegi zuria, augusta eta kontra-augusta. Arketipo horiek oso arruntak dira zirkuan, eta normalean gizonezkoek antzeztu izan dituzte. Proiekzio Dokumentalean idatzizko materiala, argazkiak eta bideoak erakutsiko dira. Bea Larrañagak egin du bilketa historikoa, Merche Ochoak lagunduta. Ikuskizun Dokumentalean zehar, irudien, zuzeneko ikuskizunaren eta ikusleen arteko elkarrekintza egongo da. Horren emaitza ikuskizun dinamiko, entretenigarri eta informatiboa da. Barre egingo dugu, hunkituko gara, eta aurrez sekula entzun gabeko istorioekin aterako gara".
Aholkularitza zerbitzuak
Zaintzaile profesionalentzako arreta eta aholkularitza (Maitelan Zaintza Kooperatiba)
Egutegia: martxoak 27, apirilak 24, maiatak 22, ekainak 26, uztailak 24, abuztuak 28, irailak 25.
Ordutegia: 15:00-18:00.
Zehaztasunak: "Zaintzaile profesionalentzako aholkularitza zerbitzua, euren lanarekin lotutako gaiei edo bestelakoei buruzko kontsultak egiteko".
Hitzordua eskatzeko: sarea-red@maitelan.eus / 633 17 73 21.
Aholkularitza juridiko eta psikosoziala (Irule Abokatuak Taldea)
Egutegia: martxoak 18, apirilak 15, maiatzak 13, ekainak 17, uztailak 15.
Ordutegia: 15:00-18:00.
Zehaztasunak: "Zerbitzu honen bitartez gai konplexuei buruzko informazio juridikoa eskaintzen dugu: banaketa, dibortzioa, emakumeen kontrako erasoei buruzko prozesu penalak, dibortzio prozesuetatik sortutako gatazkak, mantenu pentsioen ordainketa ezak, bisita erregimenen ez betetzeak, atzerritartasunarekin lotutako arazoak, etxeko langile zein gainontzeko langile emakumezkoen kaleratzeak, diskriminazioa, eskubideei buruzko informazioa, laguntza sozialak eta bestelako kontsultak".
Hitzordua eskatzeko: emakumeonetxea@usurbil.eus / 943 377 112.
Aholkularitza psikologikoa (Sortzen Consultoria)
Egutegia: martxoak 2 eta 16, apirilak 13 eta 20, maiatzak 4 eta 18, ekainak 1 eta 15, uztailak 6 eta 20.
Ordutegia: 15:00-19:00.
Zehaztasunak: "Zerbitzuaren xedea pertsonen autoezagutza, ahalduntzea eta autonomia sustatzen duten tresnak ematea da, norbanakoaren ongizaterako eta gizarte-eraldaketarako. Ikuspegi psikosozial, humanista eta transfeminista bermatuz eskaintzen da zerbitzua".
Hitzordua eskatzeko: emakumeonetxea@usurbil.eus / 943 377 112.
Informazio gehiago:
Helbidea: Belmonte kalea 8 (Kalezar).
Ordutegia: 10:00-13:00 (astelehenetik ostiralera), 17:00-20:00 (astearte eta ostegunak).
E-posta helbidea: emakumeonetxea@usurbil.eus /
Telefono zenbakia: 943 37 71 12
Sare sozialak:
Facebook: @UsurbilgoEmakumeonEtxea
X: @UsurbilEmakumea
Instagram: @usurbilgoemakumeonetxea
Whatsapp: Usurbilgo Emakumeon Etxeko kanala
Eskuorria: Usurbilgo Emakumeon Etxeko 2026ko uztailera arteko eskaintza
