Euri askoko orduak datozkigu, Euskalmet meteorologia agentziak ohartarazi duenez. Izan ere, 24 orduko abisu horia ezarri dute, ostegun iluntzeko 21:00etan hasi eta ostiral iluntzeko 21:00ak arte prezipitazio iraunkorragatik hain zuzen. "Kantauri isurialdeko zenbait lekutan 24 orduan 60 l/m² baino gehiago pila daitezke. Kantauri isurialdean euri ertaina sarri egingo du eta oso ugaria izango da. Baliteke trumoi-ekaitzak izatea eta txingorra egitea, bereziki kostaldean", Euskalmet-ek ohartarazi duenez.
Giro honekin, ostegun honetan, maiatzaren 14an Usurbilen, "zerua oso hodeitsu egongo da eta euria egingo du. Mendebal/ipar-mendebaldeko haizea ibiliko da, bolada gogorrekin. Tenperatura gutxi edo nahikoa jaitsiko da".
Ostiralean, hilaren 15ean, "giroa goibela eta oso euritsua izango da; egunaren lehenengo partean egingo du euria ugariago. Ekaitzak jo dezake. Mendebaldeko edo ipar-mendebaldeko haizea ibiliko da, bolada gogorrekin. Tenperaturan aldaketarik ez edo gutxi jaitsiko da".
Larunbatean, hilaren 16an, "zerua hodeitsu egongo da eta noizbehinka euria egingo du. Mendebaldeko edo ipar-mendebaldeko haizea ibiliko da, bolada gogor batzuekin. Tenperatura minimoetan aldaketarik ez edo gutxi jaitsiko dira, maximoak gutxi edo nahikoa igoko dira".
Informazio gehiago euskalmet.eus bidez jaso ahalko duzue.
Prezipitazio iraunkorragatik abisu horian izango gara ostegun iluntzeko 21:00etan hasi eta ostiral iluntzeko 21:00ak arte.