Berritua itzuli da aurtengo 6. Uxue Trail Mendi Lasterketa Solidarioa. Lasterketan bertan nabarmendu da aldaketa. 2025eko bosgarren ediziora arte distantzia luzeko nahiz motzeko ibilbide bana osatzeko aukera izaten zuten parte hartzaileek. Aurtengoan, ibilbide bakarra osatu dute denek, bat eta bera, baina bi modutan; banaka edo binaka.
Halere, abiatzerakoan nabarmendu den bakarra elkartasun uholdea izan da. Goizeko 9:30etan Dema plaza ondotik abiatu aurretik, Irazu kalean 419 lagun bildu dira Andatzari itzulia emateko. Beroa izan dute bidelagun. Antolakuntzak behin eta berriz oroitarazi du goizean zehar, hidratatzeak beti, baina bereziki gaurkoan zuen garrantzia.
Gogotsu eta bizi asko abiatu dira, atzerako kontaketa amaituta, irudiotan ikus ahal duzuen moduan.
