800 partaidetik gora erakarri zituen ekainaren 14ko 6. Uxue Trail Mendi Lasterketa Solidarioak. Edizio arrakastatsuaren ondotik, eskertza oharra plazaratu dute antolatzaileek. "Seigarren edizioa eta hazten jarraitzen dugu", nabarmendu dute.
Horren harira, eskerrak helarazi dizkiete babesleei, boluntarioei, parte hartzaileei, laguntzaileei... Laburbilduz, ekimena ahalbideturiko guztiei.
6. Uxue Trail Mendi Lasterketa Solidarioko antolakuntzaren eskertza
Seigarren edizioa eta hazten jarraitzen dugu.
Uxue Trail antolatzaileen eta Phelan Mcdermid elkartearen izenean, berriz ere gure eskerrik beroenak eman nahi dizkizuegu ekitaldi hau ospatzen jarraitzea ahalbidetu duten erakunde, pertsona eta babesle guztiei.
Eskerrik asko gure babesleei proiektu hau babesteagatik eta, bakoitzak bere erara, abentura solidario honek aurrera jarraitzea ahalbidetzen duten baliabideak emateagatik. Zuen konpromisoari eta laguntzari esker, Uxue Trail proiektua den eta izan nahi duen lasterketa da.
Gure boluntarioei mila esker, beti hor, zuen ahalegina, borondatea eta eskuzabaltasuna funtsezkoak dira. Erakusten duzuen berotasuna ezin da hitzez azaldu, hor ari zarete beroa, hotza, euria edo behar dena jasaten, eta beti irribarre batekin, zuek gabe gure ametsa ez litzateke posible izango.
Eta, jakina, eskerrik asko parte hartu duzuen guztioi, bai korrikalari eta ibiltariei, bai laguntzaileei eta bai ikusleei. Txalo bakoitzak, animo oihu bakoitzak, inskripzio bakoitzak eta ekarpen bakoitzak Phelan Mcdermid pixka bat gehiago ikusaraztea eta ezagutaraztea ahalbidetzen dute.
Kirol ekitalditik haratago, Uxue Trailek eta bere ibilaldiak balio izan dute komunitate konprometitu eta solidario bat kausa komun batean batzeko, elkarrekin lan eginez gure leloa, “zuk lasterketa eginez, ikerketa aurrera doa”, errealitate izatea lortzen baitu.
Eskerrik asko guztioi
6. Uxue Trail Mendi Lasterketa Solidarioko antolatzaileek eskerrak helarazi dizkiete ekainaren 14ko ekimen arrakastatsua ahalbidetu dutenei.