Artean, negu betean zirela, otsailean ekin zion jai batzordeak aurtengo festen antolaketa lanei. Bilgune horretan hartu ohi dira gai horri lotutako erabaki guztiak. Bilgune irekia da, eragile eta norbanako orok parte har dezake, aurtengoan bezalaxe.
Otsailean eginiko lehen bileran erabaki zuten Usurbilgo jaiak uztailaren 1ean hasi eta 5ean hasiko zirela. Saio berean hasi ziren egitaraua definitzen. Hilabeteotan eginiko lanketaren emaitza aurkeztu dute jendaurrean, asteazken honetan, ekainaren 17an Mikel Laboa plazan eginiko ekitaldian.
2024an ekin zioten festak jendaurrean aurkezteari. Hirugarren aldia zuten honenbestez, gaurkoa. Zumarteko trikitilariekin kalejiran heldu dira agerraldi lekura, askotariko eragileak ordezkatu eta guztiak biltzen dituen jai batzordeko kideak. Plazan zain zituzten, Lauburu konpartsako kideak; erraldoiekin eta zenbait buruhandirekin.
"Bi aste besterik ez zaizkigu geratzen, Santixabelerako! Konturatu al zarete? Bi aste!", hala hasi du jai batzordeak bere agerraldi herrikoia. Zertarako elkartu diren gogorarazi dute segidan. "Hementxe bildu gara festak antolatzen ibili garen jai batzordeko kideak zer prestatu dugun aurkezteko, berotzen hasteko festen atari honetan".
Datozen herriko jaiei buruzko askotariko xehetasunak plazaratu dituzte; horien artean, zer eta noiz izango dugun. Hemen, aurtengoan, bost egunetarako osatu duten ospakizun eskaintza zabalaren berri:
Usurbilgo jaiak
Ekainak 29, astelehena
19:00 Santixabeletako argazki zaharren diaporama 1984-2024 Sutegin.
Uztailak 1, asteazkena
06:00 Oilasko biltzaileen gosaria eta irteera, txosnetatik abiatuta.
11:00 Kolore Festa frontoian.
14:00 Oilasko biltzaileen itzulera eta bazkaria.
18:30 Jaixkipe txaranga kiroldegitik abiatuta.
19:00 Txupinazoa eta ikurrinaren igoera, Usurbil Futbol Taldearen eta Zubieta Lanbide Eskolaren eskutik.
Ondoren, herri kalejira.
20:00 Herriko dantzariak frontoian.
Jarraian, gazte txupinazoa eta txosnen irekiera.
22:30 Bertsio Gaua txosnetan.
Uztailak 2, osteguna
09:00 Esnadeia txistulariekin.
11:00 Txistulariak eta lore banaketa Egurtzegin.
12:00 Soka dantza Joxe Martin Sagardia plazan.
Jarraian, lore eta salda banaketa.
12:00 Triku taldearekin kalejira.
16:00 Mus txapelketa Askatasuna plazan (izen ematea 15:30-16:00).
17:00 LIII. Esku pilota txapelketako finalak.
17:00 Diskofesta Gaztelekuan.
17:00 Euskal Selekzioaren Aldeko “auntoke” Txapelketa Mikel Laboa plazan. (LH 3tik LH 6ra bitarteko gaztetxoentzat) Izen ematea: 16:30.
18:30 Bizikleta-kanabera lehiaketa txosnetan.
19:00 Bertsolariak Joxe Martin Sagardia plazan: Amets Arzallus, Jone Uria, Maddi Ane Txoperena eta Xabat Illarregi.
Gai jartzailea: Maite Berriozabal.
21:00 Erromeria frontoian: Bide Batez.
23:00 Kontzertuak txosnetan: Aingura, La Furia eta Siwanaba DJa.
Uztailak 3, ostirala
09:45 Haur eta gazteei harrera Joxe Martin Sagardia plazan.
10:00-13:00 Txikienentzako puzgarriak frontoian.
10:00-12:00 Ginkana (LH 1etik LH 4ra).
10:00-12:00 Gaztetxoentzako erronka (LH 5etik DBH 2ra).
10:30-11:30 Txutxu trena. Eguneko zentroa eta Artzabalgo helduak.
11:00-13:00 Toka txapelketa, botea eta Santixabel Igel Jokoa Artzabalen.
11:30-13:30 Txutxu trena Bordatxo aurretik.
12:30 Buruhandi eta erraldoiak.
13:30 Umeen bazkaria Artzabalen (norberak ekarrita).
14:00 Jubilatuen bazkaria Atxega Jauregian.
14:30 Gazte bazkaria txosnetan.
15:30-17:30 Txutxu trena Bordatxo aurretik.
15:30 Ur puzgarriak eta apar festa Artzabalen.
18:00 Txokolate jatea eta Kaktus DJa Artzabalen.
18:00 Xaukena elektrotxaranga txosnetatik abiatuta.
20:00 Tapia eta Leturia Band frontoian.
23:00 Kontzertuak txosnetan: The Lio, 48280 eta Moskato DJa.
Gutxien uste duzunean, Platano Dantza.
Uztailak 4, larunbata
12:00 Elektrotxaranga.
12:30 Herri kirolak. Herritarrez osatutako bi talde lehian: txinga, trontza, aizkora, korrika, zaku eramatea, giza proba eta harri jasotzea.
14:00 Zikiro jana Askatasuna plazan.
18:00 Sutargi erromeria txosnetan.
18:00 Errekortariak eta sokamuturra Udarregin.
19:00 Buruhandi eta erraldoiak.
20:00 Laskotxaranga.
23:00 Kontzertuak frontoian: Izan bai eta Bele.
Jarraian, kontzertuak txosnetan: Bad Sound eta Fifi eta Fefa DJa.
Uztailak 5, igandea
07:00 Kita del Pare txaranga txosnetatik abiatuta.
Ondoren, gaupaseroen argazkia.
09:00 Esnadeia trikitilariekin.
10:00 Puzgarriak zezen plazan.
11:00 Joaldunak Egurtzegitik abiatuta.
18:30 Buruhandi eta erraldoiak.
18:30 A toda madre mariatxiak Artzabalen.
18:30 Paella lehiaketa txosnetan (izen ematea: 18:00).
23:00 Maskota erretzea eta traka Dema plazan.
Jarraian, Enaitz eta Erkizirekin erromeria txosnetan.
Jaietan zehar...
- Zirriborro tailerrekoen eskulanak ikusgai Sutegiko aretoan.
- Uztailaren 3an eta 4an: indarkeria matxistaren aurkako informazio gunea Mikel Laboa plazan (21:00-00:00) eta arreta puntua Gaztelekuan (00:00-06:00).
- Uztailaren 3an eta 6an prezio bereziak izango dira Feriagunean.
- Feriaguneko ordu lasaiak, musika eta argi bizirik gabeak: uztailaren 2an (19:00-20:30) eta uztailaren 4an (12:00-14:00).
