Dirulaguntza gehienen oinarriak otsailaren 12an kaleratu zituen Usurbilgo Udalak. Lerro gehienetarako eskabideak aurkezteko hilabeteko epealdia izan zen. Ez denetarako, ordea; izan ere, oraindik orain zenbait deialdietan parte hartzeko epealdiak zabalik segitzen du.
Horiez gain, beste bi dirulaguntza deialdiren oinarriak plazaratu zituen Udalak ekainaren 17ko Gipuzkoako Aldizkari Ofizialaren bidez. Amaitzear dugun 2025-26 ikasturte honetan zehar, euskara ikasten aritu nahiz aisialdiko begirale edo zuzendari gisa jarduteko tituluak eskuratzeko hezten aritutakoei zuzenduriko deialdiez ari gara.
Eskabideak aurkezteko bi asteko epealdia izango dute interesdunek, astearte honetatik, ekainaren 23tik aurrera. Gogoan izan, Usurbilen euskara doan ikasi daiteke. Hala, ezarritako baldintzak betetzen dituztenei matrikula kostuaren %100a itzuliko die Udalak. Aisialdiko dirulaguntza deialdiaren kasuan, matrikula kostuaren erdia itzuliko zaie gehienez. Segidan dituzue xehetasunak:
2025-26 ikasturtean euskara ikasitakoei zuzenduriko dirulaguntza deialdia
Xedea: "Usurbilgo Udalaren dirulaguntzen oinarri erregulatzaileak ezartzea, norgehiagoka erregimenean, 2025-2026 ikasturtean helduentzako euskalduntze- eta alfabetatze-ikastaroak egin dituzten usurbildarrei dirulaguntzak emateko".
Onuradunak izateko baldintzak:
-Usurbilen erroldaturiko 16 urtetik gorako euskara-ikaslea izatea.
-Gutxienez, ikastaro osoan zehar, %80ko asistentzia izatea (autoikaskuntzaren kasuan aprobetxamendua ziurtatzea).
-Gutxieneko aprobetxamendua gainditzea (euskaltegiak egindako ziurtagiriaren bidez egiaztatu beharrekoa).
Diruz lagundu daitezkeen ikastaroak:
-Habek homologatutako ikastaroak (2005eko uztailaren 27ko ebazpena, 2013ko irailaren 12koa eta 2025eko urriaren 20koa): modulazio ezberdinetako ikastaroak, autoikaskuntza, EGA, alfabetatze-ikastaroak eta C2 mailakoak, xede berezietarako ikastaroak...
-Ikastaro ez-homologatuak: modulazio txikikoak, baina betiere ikasturtean zehar urrats bat gainditzen bada eta euskaltegia ere homologatua bada.
Dirulaguntzen zenbatekoa: herritar guztiek matrikula kostuaren %100 jasoko dute (gehienez ere 600 euro), aipaturiko baldintzak betez gero. Aipatutako ehunekoak gutxitu egin daitezke aurkeztutako eskaeraren arabera. Hau da, dirulaguntzetarako dagoen dirua baino handiagoa bada eskaera, proportzionaltasunaren irizpidea aplikatuko da.
Informazio gehiago: ekainaren 17ko Gipuzkoako Aldizkari Ofiziala.
2025-26 ikasturtean aisialdiko begirale edo zuzendari tituluak lortzeko dirulaguntzen deialdia
Xedea: "Usurbilgo Udalaren dirulaguntzen oinarri erregulatzaileak ezartzea, norgehiagoka erregimenean, 2025-2026 ikasturtean zehar aisialdiko begirale edo zuzendari ikastaroa euskaraz egin duen usurbildar orori dirulaguntzak emateko".
Onuradunak izateko baldintzak:
-Usurbilen erroldaturiko 16 urtetik gorakoa izatea.
-Ikastaroa euskaraz izatea eta Eusko Jaurlaritzak homologatua izatea.
-Ikastaroaren alderdi teorikoa gainditzea eta araututako gehienezko epearen barruan titulua lortzea. Araututako epearen barnean titulua lortu ezean, itzuli egin beharko zaio udalari jasotako dirulaguntza.
-Interesdunak titulua eskuratu izanaren agiria aurkeztu beharko du Udalean 2028ko uztailaren 31 baino lehen.
Diruz lagundu daitezkeen ikastaroak:
-2025eko uztailetik 2026ko ekaina bitartean egindakoak, Eusko Jaurlaritzak homologaturiko aisialdiko begirale ikastaroa edo aisialdiko zuzendari ikastaroa.
Dirulaguntzen zenbatekoa:
-Begirale ikastaroa: matrikularen %50 (gehienez ere 250 €).
-
-Aipatutako portzentaje hau gutxitu egin daiteke, aurkezten diren eskarien arabera.
Informazio gehiago: ekainaren 17ko Gipuzkoako Aldizkari Ofiziala.
Eskabideen aurkezpena: udal erregistroan edo telematikoki usurbil.eus atarian.
Eskabideak aurkezteko epealdia: ekainak 23-uztailak 7 (bi egunak barne).
Informazio gehiagorako: ekainaren 17ko Gipuzkoako Aldizkari Ofiziala.
Dirulaguntza deialdi gehiago martxan
Usurbil Zabalik dirulaguntzen oinarriak
Xedea: 2026 urtean Usurbilen hutsik dauden merkataritza lokaletan jarduera ekonomiko berri bat abian jarri nahi duten ekintzaileei laguntzeko, bi diru laguntza lerroren bitartez: enpresa ekimenak abiaraztearen hasierako gastuei aurre egiteko dirulaguntzak; jarduera ekonomiko berri bat hutsik dagoen merkataritza lokal batean irekitzeko, lokalaren alokairu edo erosketa gastuak ordaintzeko laguntza.
Onuradunak:
-Ekintzaile interesatuaren bizilekua edozein izanda, Usurbil edo beste udalerri bat.
-Lehentasuna izango dute: herri gunean nahiz auzoetan gaur egun herritarrei eskaintzen ez zaizkien zerbitzuekin lotura duten proiektuek; ixtera doazen edo itxi berriak diren jardueren jarraipenekoak diren proiektuek.
Baldintza nagusiak:
-Usurbilgo lokal huts batean, jarduera garatu ahal izateko lokalik jabetzan ez izatea.
-
-
-
-Jardueraren bideragarritasun ekonomikoa ziurtatzen duen proiektua landua izatea, Beterri Buruntza eskualdeko autoenplegu zerbitzuaren jarraibideak jarraituz.
-Tutoretza teknikoa behar izanez gero, Beterri-Buruntzatik bideraturikoa jasotzea.
-Ekintzaileek lokal-jabeekin odolkidetasun edo ezkontzagatiko harremanik ez izatea.
-Egunean egotea Foru Ogasuneko zerga betebehar eta Gizarte Segurantzako diruzaintza orokorrarekiko betebeharrekin.
Eskabideak: irailaren 30era arteko tartea (lehen ebazpena maiatzaren 31ra arteko eskabideekin plazaratuko da; bigarrena, irailaren 30era artekoekin), otsailaren 13tik zenbatzen hasita.
Informazio gehiago: otsailaren 12ko Gipuzkoako Aldizkari Ofiziala.
Hasiz Hazi dirulaguntza deialdia
Xedea: 2026 urtean, jarduera proiektu bat duen ekintzaileari, Kabiene elkarteak duen elkarlan-gunearen egonaldi eta erabilera diruz ordaintzeko, beti ere berdintasun, ingurumen eta euskara arloko legeria kontuan izanik. Elkarlan gune hau, lanerako espazio bat ez ezik, baliabideak eta esperientziak partekatzeko leku bat izango da. Dirulaguntzaren onuradunek bertan lanean ari diren kideen esperientziatik ikasi ahal izango dute eta harreman-sare indartuago batekin ekin ahal izango diote lanari. Jarduera proiektuarekin hasi berriak, Beterri-Buruntza eskualdeko enpresak sortzen laguntzeko aholkularitza zerbitzuaz baliatu ahal izango dira. Ideia batetik abiatu eta proiektu bat garatzerakoan, enpresaren bideragarritasun plana prestatzerakoan eta abian jartzekoan (finantzaketa, lege-irizpideak, dirulaguntzak) laguntza eskuratu ahal izango dute.
Onuradunak:
-Beterri-Buruntza eskualdeko udalerriren batean (Andoain, Astigarraga, Hernani, Lasarte-Oria, Urnieta eta Usurbil) erroldatuta dauden pertsonak lehentasunez.
-Enpresa proiektu berri bat garatzen ari diren pertsonak, elkarteak, sortzaileak.
Baldintzak:
-Jarduera Ekonomikoaren gaineko zergan alta emandakoan enpresaren helbidea Usurbilen finkatzea, hilabeteko epean.
-Enpresa proiektu berri bat garatzen ari direnak, gehienez ere eskaera datatik kontatzen hasita Jarduera Ekonomikoaren gaineko zergan aurreko hamabi hilabetetan alta emanda daudenek, Beterri-Buruntza eskualdeko autoenplegu zerbitzuaren eskutik, negozio ideiaren proiektu proposamena lantzea eta Kabieneko erabilerak irauten duen bitarteko lan plana eskualdeko autoenplegu zerbitzuarekin adostea. Horrekin batera, Kabienen egonaldiak irauten duen bitartean adostutako lan plana gauzatzea (III. eranskina) eta egonaldia hasi eta 12 hilabetetako epean bideragarritasun plana egitea.
-Dirulaguntzaren eskaera data momentutik Jarduera Ekonomikoaren gaineko zergan hamabi hilabetetik gora daramaten enpresek, bere enpresa jardueraren tutorizazio teknikoa onartzeko konpromisoa hartzea. Beharkizun hau betetzat joko da, baldin eta tutoreak uste badu jarraitzea ez dela beharrezkoa.
-Kabiene elkarlan gunean antolatzen diren ekintzetan partehartzea.
-
Zenbatekoa: 4.500 € ezartzen dira horretarako. Dirulaguntzaren gehieneko zenbatekoa 1.742,40 €koa izango da, beti ere ekintzaileak 12 hilabetetako erabilera izaten badu Kabienen. Orokorrean, dirulaguntzaren zenbatekoa, 12 hilabetetako alokairu gastua (120 €/hileko), eta honi dagokion %BEZ-a (25,20 €/hileko) izango da.
Eskabideak: irailaren 30era arteko tartea (lehen ebazpena maiatzaren 31ra arteko eskabideekin plazaratuko da; bigarrena, irailaren 30era artekoekin), otsailaren 13tik zenbatzen hasita.
Informazio gehiago: otsailaren 12ko Gipuzkoako Aldizkari Ofiziala.
Gizarte-bazterkeriaren aurkako dirulaguntzen deialdia
Xedea: oinarrizko beharrak asetzea da, baliabide ekonomikorik ez eta bestelako laguntzak jaso ezin dituzten pertsona edo familiei zuzenduta daude. Udal-laguntza hauen helburua da lehen mailako premiak (etxebizitza, mantenua…) eskuratzeko bidea erraztea, beste administrazio batzuen bidez ematen diren prestazioak eskuratu ezin direnean. Bizitza duina izateko ezinbesteko gastuak dira, alegia, osasuna, higienea, etxebizitza eta beste hainbat arlotan gutxieneko parametroak betetzeko ezinbestean bideratu beharrekoak. Prestazio ekonomiko hauek ezohikoak dira, aldi baterakoak, dirulaguntza izaerakoak, subsidiarioak, osagarriak eta finalistak.
Diruz lagunduko diren gastuak:
-Etxebizitza bat eskuratzeko sarrera gastuak.
Informazio gehiago: otsailaren 12ko Gipuzkoako Aldizkari Ofiziala.
Norgehiagoka erregimenekoak ez diren kirol arloko dirulaguntzak eskatzeko deialdi irekia
Xedea: norgehiagokakoak ez diren kiroletako dirulaguntzak jaso ahal izateko Usurbilgo Udalaren dirulaguntzen oinarri erregulatzaileak ezartzea, beti ere aurretik udal dirulaguntzarik kontzeptu honengatik jaso ez badute.
Onuradunak:
-Laguntza bereziak.
Partida:
-Laguntza bereziak
-Taldeetako prestakuntza teknikoak: 1.000 euro.
-Kiroletako oinarrizko osasun miaketak: 5.000 euro.
-Eskolaz kanpoko kirol jardueretan parte hartzeko dirulaguntzak: 5.000 euro.
Eskabideak: otsailaren 13tik azaroaren 13ra (lehen epealdia, otsailaren 13tik apirilaren 30era arte; bigarrena, irailaren 1etik azaroaren 13ra).
Informazio gehiago: otsailaren 12ko Gipuzkoako Aldizkari Ofiziala.
Eskabideak: presentzialki udal erregistroan edo telematikoki usurbil.eus atarian.
Informazio gehiago: https://www.usurbil.eus/eu/diru-laguntzak
Deitzailea: Usurbilgo Udala.
Amaitzear dugun ikasturtean zehar euskarari lotutako ikaskuntza prozesuren bat egiten aritu nahiz aisialdiko begirale edo zuzendari titulua eskuratzeko ikastaroren bat egin dutenentzako dirulaguntza deialdietara eskabideak aurkezteko aukera izango duzue gaurtik bi astez.