Usurbilgo Udalak prest du 2026-27 denboraldirako kirol ikastaroen eskaintza. Ohar bidez jakitera eman duenez, abuztuaren 17tik irailaren 6ra arte bideratu ahalko da izen-ematea, aurreko urteen antzera, telematikoki esteka honetako galdetegia beteta: 2026-27 denboraldiko kirol ikastaroak
Izen-emate kopuruak eskainitako plaza kopurua gaindituko balu, beharrezkoa balitz, beraz, irailaren 8an egingo dute zozketa.
Kirol ikastaroon informazio osoa, hemen eskura daiteke: 2026-27 ikastaroak.
Behin-behineko saioak
Iazko abuztuko sutearen ondotik, eraberritze lanetan dute Oiardo kiroldegia. Udaletik ohartarazi dutenez, lanok amaitu artean ez da uretako ikastarorik eskainiko. Tarte horretan, behin-behineko saioak antolatu ditu Udalak.
Bestalde, eskaintza osorako "Udalak ematen dituen hobariak jaso daitezke kiroldegiko abonu eta ikastaroengatik. Usurbilen erroldatutako eta baldintza ekonomikoak betetzen dituzten bizikidetza-unitateek %50eko, %75eko edo %90eko hobariak jaso ditzateke: horrek esan nahi du hobaridun izateko eskubidea aitortua dutenek prezioaren %50, %25 edo %10 soilik ordaindu beharko dutela, hurrenez hurren".
2026-27 ikasturterako eskaintza
-Aretoko jarduerak (6-16 urte): eskalada (6-9, 10-14 eta 15-18 urte artekoentzat), gazte entrenamendu funtzionala + gimnasioa (15-16).
-Aretoko jarduerak (+16 urte): spinning, pilates (osasuna, hastapena, hobekuntza) 3. adina, mantenu gimnasia, mantenu gimnasia + 1, HIIT, konbinatua (spinning + tonifikazioa), yoga, jarduera fisiko egokitua, eskalada, Core-Gap, OKI, total training.
-Emakumeei zuzendutako jarduerak (+16 urte): haurdunak, erditze ondorengoa, oinarrizko indar entrenamendua, korrika hastapen taldea.
-Behin-behineko ikastaroak (+16 urte): ekintza ugariak (aquagym), konbinatua (spinning + multiekintzak), konbinatua (spinning + igeriketa), functional training (igeriketa errendimendua).