Gogotik egin dezake euria ostegun gau honetan, azaroaren 12an. Izan ere, Euskalmet meteorologia agentziak ohartarazi duenez, abisu horian izango gara gaur iluntzeko 21:00etan hasi eta ostiral goizaldeko 03:00ak arte. Tarte horretan, "ordubetean 15 l/m² baino gehiago pila daitezke Kantauri isurialdearen iparraldeko zenbait lekutan, bereziki kostaldean. Zaparrada ertainak egingo ditu, zenbait lekutan handiak izan daitezke", Euskalmet-en arabera.
Honenbestez, ostegun honetan, hilaren 12an, Usurbilen, aipatu meteorologia agentziak aurreikusi duenez, "zerua hodeitsu egongo da, arratsalde-gauean oso hodeitsu edo estalita egongo da. Zaparrada txikiak egingo ditu, noizean behin ertainak. Egunaren bigarren partean, zenbait tokitan zaparrada handiak egin ditzake. Hego/hego-mendebaldeko haize ahul-bizia ibiliko da, goizean goiz indartu egingo da, bolada gogorrekin. Arratsaldean ipar-mendebaldera egingo du, gauean indarra galduko du. Tenperatura maximoak gutxi jaitsiko dira".
Bihar, hilaren 13an, "zerua oso hodeitsu egongo da. Goizaldean zaparrada txikiak egingo ditu, zenbait tokitan ertainak izan daitezke; gainerako orduetan zaparrada txikiak egingo ditu noizean behin. Norabide aldakorreko haize ahula ibiliko da, tarte biziekin. Eguerdi inguruan eki/ipar-ekialdetik finkatuko da eta gauean hego-osagaira aldatuko da. Tenperatura minimoetan aldaketarik ez edo gutxi jaitsiko dira. Tenperatura maximoak gutxi edo nahiko jaitsiko dira.".
Informazio gehiago, euskalmet.eus bidez jaso ahalko duzue.
Prezipitazio handia tarteko, abisu horian izango gara ostegun iluntzeko 21:00etan hasi eta ostiral goizaldeko 03:00ak arte.