[IRUDITAN] Ostegunak Zubietan utzitakoa, jai giro bete-betean

Jai giroan murgilduta dago Zubieta. Txupinazoaren ondotik, ostegun lasaia eta musika eta kirolez betea utzi du ostegunak. Goizean, urteroko ohiturari jarraiki soka-dantza ikusteko aukera izan da plazan. Arratsaldean, Joko Garbi erakustaldia eskaini dute gazteek eta helduxeagoek. Eguraldiak txarrera egin du gero eta herri kirolak frontoian egin badituzte ere, amaitzekotan zirela argia joan da eta amaiera ilunpean egin behar izan dute.

Gaur ateratzekoak ziren oilasko biltzaileek ere eguraldi txarra ez dute lagun izan eta bertan behera utzi behar izan dute goizeko buelta. Eguerdian, 14:30 aldera, azken dantza egingo dute plazan edo frontoian; eguraldiaren arabera hori ere. Eguraldia zertxobait hobetuko balu eta euririk ezean, arratsaldean atera litezke oilasko biltzaileak goizean egin ezin izan duten buelta egitera.