Azken traka eta suziriekin agur esango diete aurtengo jaiei zubietarrek. Goizeko meza eta errebote partidaren ostetik, azken bazkaria egin dute zubietarrek: zikiro jatea. Arratsaldean, Lopeneren ganadutegiaren eskutik zezen txiki eta poniez disfrutatzeko aukera izan dute txikienek eta buruhandiak ere azken aldiz atera dira. Gaueko 23:00etan emango diete amaiera jaiei, esan bezala, azken traka eta suziriekin.