Enrique Abril Errebote Txapelketaren lehen fasea azken txanpan da, igande honetan, borobiltzekoak dira azken neurketekin. Zubietak etxean jokatuko du, goizeko 11:00etan hasita errebote plazan; Zaharrer Segikoekin lehiatuko dira.
A multzoan dituen aurkariekin lehiatzen ari da Zubieta; Villabonako Behar Zana eta Baigorriko Zaharrer Segi taldeekin. Villabonarren aurka galdu zuten iragan igandean 8-13. Lehen faseko azken partida, aipatu moduan, igande honetan bertan.
Lehen bi postuetan sailkatzen badira, azken fasera igaroko dira. Gogoan izan, azkeneko edizioa 2019koan zubietarrak izan zirela txapeldunak. 2020-21 denboraldikoa aldiz, hainbat neurketa jokatzeke izan baina jokatu ezinik, ekainean bertan behera utzi behar izan duten pandemiagatik.
Multzoak
-A: Zaharrer Segi (Baigorri, Nafarroa Beherea); Zubieta; Behar Zana (Villabona).
-B: Luzean (Donibane Lohitzune, Lapurdi); Kanboarrak (Kanbo, Lapurdi); Txost (Oiartzun, Gipuzkoa).
Faseak
-Lehenengo fasea: itzuli bateko ligaxka multzo bakoitzean, irailak 5-19 artean, Oiartzun, Villabona eta Zubietako plazetan. Zubietan irailaren 19an.
-Kanporaketen fasea: bi finalerdi irailaren 26ko asteburuan (lehen fasean multzo bakoitzeko ligaxkan lehen bi postuetan sailkatutako taldeak gurutzatuta; A1-B2; B1-A2).
-Finala: urriaren 3an Oiartzunen.
Lehen faseko neurketen agenda
Irailak 19, igandea
11:00 A multzoa: Zaharrer Segi-Zubieta, Zubietako errebote plazan.
Atsedena: Behar Zana.
11:00 Luzean-Kanboarrak, Oiartzungo plazan.
Atsedena: Txost.