Eskaintza berritzen eta zabaltzen segitzen du Usurbilgo Lanbide Eskolak. Datorren 2023-24 ikasturterako, hain zuzen, zenbait espezializazio eta goi mailako hiru ziklo berri iragarri ditu. Zazpi "familia profesional" ezberdinetako trebatzeko aukera eskainiko ditu guztira: adminstraritza eta kudeaketa, elektrizitatea eta elektronika, energia eta ura, fabrikazio mekanikoa, instalakuntzak eta mantenua, ostalaritza eta informatika eta komunikazioa.
Erdi mailako zikloei dagokienean, Administrazio Kudeaketa, instalazio elektrikoak eta automatikoak, hozteko eta girotzeko instalakuntzak, Beroa Sortzeko Instalazioak eta mekanizazioa. Goi mailako hauek baita: Administrazioa eta Finantzak, Fabrikazio Mekanikoko Produkzioaren Programazioa, Automatizazio eta Robotika Industriala, Energia Berriztagarriak, Fluido Instalakuntzen eta Instalakuntza Termikoen Mantenua, Energia Eraginkortasuna eta Eguzki Energia Termikoa. Eta hauekin batera, beste hiru berri; Plataforma Anitzetako Aplikazioak Garatzea, Web Aplikazioen Garapena eta Jatetxe Arloko Zerbitzuen Zuzendaritza.
Ziklo hauekin batera, zenbait alorretan espezializatzeko aukera eskaintzen du Usurbilgo Lanbide Eskolak; Industria-Mantentzearen Digitalizazioan. Modalitate honetan beste bi espezializazio berri iragarri ditu; Auditoretza Energetikoa eta Interneti Lotutako Sistemak Instalatzea eta Mantentzea.
Eskaintza zabal honetan aurrerago (maiatzaren 8tik 26ra) aurrematrikulatzeko aukera egongo den arren, ikasturte berriari buruzko xehetasunak ezagutzeko ate irekien jardunaldiak antolatu ditu Lanbide Eskolak maiatzerako.
Ate irekien saioak
Maiatzak 3, asteazkena
16:30 Goi maila.
18:00 Erdi maila.
Maiatzak 6, larunbata
10:00 Erdi maila.
11:30 Goi maila.
Informazio gehiagorako:
lhusurbil.eus
Etarte bidea, 9
943 364 600
orientazioa@lhusurbil.eus
2023-24 ikasturterako eskaintza berritu du Lanbide Eskolak. Maiatzerako iragarri dituen ate irekien jardunaldietan emango dituzte xehetasunak.