Lehiatzen hasi eta berehala domina eskuratu. Ezinhobeto abiatu du Nahia Zudaire Zubietako gazteak egunotan Manchesterren jokoan duen mundu mailako igeriketa txapelketa. Egunotarako programatuak dituen probetan lehenengoa, astelehen honetan jokatutako 400 metroko estilo librean jokaturikoan zilarrezko domina eskuratu du. Zorionak!
Espainiako selekzioko taldean irabazitako lehen domina honek, gainera, urtebete barru, Parisen jokatuko diren Paraolinpiar Jokoetarako taldearentzat lehen plaza eskuratzea ahalbidetu dio.
Hurrengo egunotan, abuztuaren 2an 100 metroko bular-igeriketa proban, hilaren 3an 100 metro librekoan, abuztuaren 5ean 200 metroko estiloetan eta hilaren 6an 4x100 metroko estiloetan ariko da Zudaire.
Egunotan Manchesterren jokoan den mundu mailako igeriketa txapelketan jada lehen zilarrezko domina eskuratu Zubietako gazteak.