Donibane Lohitzunera, 61. Enrike Abril errebote txapelketako garaipena

Amaitu da 61. Enrike Abril errebote txapelketa. Irailetik jokoan izan den lehiaketa Donibane Lohitzuneko (Lapurdi) Luzean taldeak irabazi du. Igandean jokatu zen finala Oiartzunen. Etxekoekin, Txost taldekoekin lehiatu ziren lapurtarrak; 13-4 izan zen azken emaitza. "Ez zuen aurkari erraza Oiartzungo Txost taldeak, eta Luzean-ek bere nagusitasuna berretsi du beste behin ere: Donibane Lohizunekoek irabazi dute 61. Enrique Abril Errebote Txapelketa, fnalean oiartzuarrei 13-4 aurrea hartuta; lapurtarren 21. txapela da", Gipuzkoako Euskal Pilota Federaziotik berri eman dutenez.

32. finala zen Luzean taldekoentzat, estreinakoz heldu zen azken neurketa horretara Txost. Luzean da txapelketa honetan garaipen gehien dituena, 21 guztira (11 aldiz izan da txapeldunordea). Zubietak bitan irabazi du norgehiagoka hau eta beste bost alditan izan da txapeldunordea.

Finalaurrekoen atarian
Azken edizio honetan, amaiera fasera sailkatzeko zorian izan ziren zubietarrak. Bost jardunaldietan lehiatzeko aukera izan dute. Hainbat neurketa ere bertako errebote plazan jokatu dira, Villabonan eta Oiartzunen izan direnez gain.

Lehen fasearen amaieran, sailkapen buruan geratu zen Luzean taldea; Zubieta laugarren, aurreko biekin, bigarren eta hirugarren postuetan ziren Kapito Harri eta Txost taldekoekin puntuazio aldetik berdinduta. Luzean zuzenean sailkatu zen azken faserako. Kapito Harri eta Txost elkarren artean lehiatu ziren eta oiartzuarrak nagusitu ziren finalaurrekoan.

61. Enrike Abril errebote txapelketa
Lehen fasea
1. jardunaldia
Atsedena: Kanboarrak.
Irailak 7, 10:30 Oiartzungo plazan: Txost 9-13 Zubieta.
Irailak 15, 10:30 Villabonako plazan: Kapito Harri 1-13 Luzean.

2. jardunaldia
Atsedena: Zubieta.
Irailak 29, 10:30 Villabonako plazan: Kanboarrak 0-0 Kapito Harri.
Urriak 13, 10:30 Villabonako plazan: Luzean 13-2 Txost.

3. jardunaldia
Atsedena: Kapito Harri.
Irailak 22, 10:30 Oiartzungo plazan: Txost 0-0 Kanboarrak.
Irailak 29, 10:30 Zubietako plazan: Zubieta 2-13 Luzean.

4. jardunaldia
Atsedena: Luzean.
Urriak 6, 10:30 Oiartzungo plazan: Kapito Harri 12-13 Txost.
Urriak 13, 10:30 Zubietako plazan: Kanboarrak 0-0 Zubieta.

5. jardunaldia
Atsedena: Txost.
Irailak 22, 10:30 Zubietako plazan: Zubieta 2-13 Kapito Harri.
Urriak 6, 10:30 Villabonako plazan: Luzean 0-0 Kanboarrak.


Sailkapena
1-Luzean: 6.
2-Kapito Harri: 4.
3-Txost: 4.
4-Zubieta: 4.
5-Kanboarrak (RET): 0.

Azken fasea
Finalaurrekoa
Urriak 19, 10:30 Oiartzungo plazan: Kapito Harr 3-13 Txost.

Finala
Urriak 27 Oiartzungo plazan: Luzean 13-4 Txost