Finalaren atarian da Gipuzkoako Bertsolari Txapelketa, finalaurrekoen fasean zehatzago esanda. Lehiaketa azkenaurreko fase horretan sartu da igande honetan, azaroaren 17an, Oiartzunen izan den saioarekin. Bertan parte hartu duten sei bertsolarien artean zen, Asier Azpiroz Iztueta zubietarra.
Beñat Gaztelumendi Arandiak bildu ditu epaimahaiaren puntu gehien eta bera da abenduaren 14an Donostia Arenan jokatuko den final nagusira sailkaturiko partaidea. "Gainontzekoek puntuazioaren arabera izango dute finalean kantatzeko aukera", ohartarazi dute Gipuzkoako Bertsozale Elkartetik. Laugarren postuan sailkatu da Azpiroz.
Gaiak ematen Ane Ezenarro Beristain ibili da. Epaitzen, ostera, epaile hauek: Bakarne Urreaga Etxeberria, Eneritz Azkue Basurko, Karlos Ibarguren Olalde, Leire Beloki Lizarralde eta Mikel Lersundi Ayestaran. Idazkari lanetan Aratz Irazustabarrena Garmendia aritu da.
Saioa ETB4 kateak zuzenean eskaini du. Esteka honetan ikus dezakezue osorik: https://eitb.eus/N_9VlMzv/
Oiartzungo saioaren ostean, beste finalaurreko bana jokatuko da hurrengo bi igandeotan, Arrasaten eta Zarautzen hurrenez hurren. Abenduaren 1ean argituko da, beraz, nortzuk sailkatuko diren Gipuzkoako Bertsolari Txapelketako final handira.
Oiartzungo finalaurrekoko sailkapena
Beñat Gaztelumendi Arandia: 560,5
Ane Labaka Mayoz: 552
Nerea Elustondo Plazaola: 522,5
Asier Azpiroz Iztueta: 475,5
Oier Etxeberria Zubimendi: 468,5
Eli Pagola Apezetxea: 449.
Finalerdiak
-Zuzenean sailkatutakoak: Alaia Martin Etxebeste, Beñat Gaztelumendi Arandia, Unai Mendizabal Jauregi, Oihana Iguaran Barandiaran, Nerea Elustondo Plazaola.
-Puntuazioz sailkatutakoak: Agin Laburu Rezola, Maider Arregi Markuleta, Asier Azpiroz Iztueta, Amaia Iturriotz Etxaniz, Andoni Rekondo Izagirre, Ane Labaka Mayoz, Eneritz Artetxe Eizagirre, Iñigo Mantzizidor Larrañaga "Mantxi", Eli Pagola Apezetxea, Eneko Araiztegi Agirre, Eñaut Martikorena Lizaso, Oier Etxeberria Zubimendi, Aner Peritz Manterola "Euzkitze".
Saioak
-Azaroak 17, Oiartzungo Elorsoro kiroldegian.
-Azaroak 24, 17:00 Zarauzko Aritzbatalde udal kiroldegian.
-Abenduak 1, 17:00 Arrasateko Uarkape pilotalekuan.
Finala
-Abenduak 14, 17:00 Donostiako Ilunbe zezen plazan.
Sarrerak bertsosarrerak.eus atarian eskuratu ahalko dituzue.
