Zubietako Eskolako ikasleek errebote jokoari buruzko panel bat osatu dute eta gaur eman dute horren berri, ekitaldi baten bitartez. Paneleko informazioa nola antolatu duten azaldu dute eta, amaieran, kanta bat abestu dute. Zubietako errebote plazari propio eskainitako abestia. Bertaratutakoen artean ziren ikasleen senideak eta Usurbilgo zein Donostiako alkateak, Agurtzane Solaberrieta eta Eneko Goia, hurrenez hurren.