Zehaztasunak: "Aurtengoan ere San Tomas eguna plazan ospatu ahal izango dugu herritar guztiekin. Bertan izango ditugu, herriko ekoizle, talo egileak eta bestelako produktuak ikusi eta erosteko aukera. Usurbil eta inguruko babarrun zein sagardo ekoizpen partikularren arteko lehiaketa izango dugu".Antolatzailea: NOAUA! Kultur Elkartea.
Ordua: 17:30-20:00.Tokia: Sutegiko erakustaretoa.Zehaztasunak: kontsumo ereduari buruz antolatu dituzten topaketen baitan, abenduaren 23rako AztarriTruk bigarren eskuko ekimena iragarri du gazte mugimenduak, etxean ditugun hainbat objekturen trukea eta berrerabilera sustatzeko. Hitzordu horri begira, abenduaren 15ean, 17an eta 19an, material bilketa egingo da Sutegiko erakustaretoan. Material hau uzteko deia egin diete herritarrei: arropa, oinetakoak, diskak, liburuak, osagarriak utzi ahalko dira.Antolatzaileak: Aztarrika Usurbilgo Gazte Asanblada, Kafe Tertulia Usurbilgo Neska* Gazte Feministen Taldea, Usurbilgo Ernai.
Ordua: 18:00.Tokia: Sutegiko auditorioa.Ikuskizuna: Izaskun Lapaza (dantzaria) eta Enara Tejadas (koreografa)Zine-dantza: Emakhari (10´) eta Iurre Aranburu zuzendaria.Estreinaldia: Pause (17´, EUS) Amaya Quiroga aktorea eta Enara Tejadas zuzendaria.Sinopsia: “Pause” Usurbilen errodatutako film laburra da. Filmaren ondoren, aktore eta zuzendariarekin solasaldia izango da. Emakume bat orain arte normaltzat jo zituen jarrerak aztertzen hasi da. Konturatu da non dauden jarrera horien erroak, bere buruan ikusten dituen jarrera sexista horiekin pixkanaka biluztea lortu arte. Laura 30 urteko neska formatu eta modernoa da. Berak jakin gabe, bere egunerokotasunean gertatzen diren mikromatxismoak ontzat ematen ditu, bera hazi eta hezi den gizartean zeharo enbortuta daudenak. Bere egunerokotasunean “feminaziek” enbarazu egiten dute, manifestazioak ez dira erosoak. Fikzio baten barruan bizi izana dela konturatuko da. Fikzio baten barruan bizi dela konturatzen denean, emakume batek ustekabeko bidea hartuko du".Sarrerak: doan, usurbilkultura.eus webgunean.