Irailaren 23 honetan abiatuko du ikasturte berria, Usurbilgo Kantu Taldeak. Arratsaldeko 18:30etan izango da, Udarregi Ikastolan deitu duten entsegu saioan. Hemendik aurrera, asteartero bilduko dira ordu eta leku berean. Eta gero, hilero, azken larunbatetan kantu-jiran ibiliko dira. Ikasturte berriko lehen kantu-jira ere aste honetan bertan ospatuko da; larunbatez, irailaren 27an, 19:00etan Mikel Laboa plazatik abiatuta. "Usurbilgo Kantu Taldea gogoz ari da euskal kantak abesteko eta tarte alaiak pasatzeko biltzen. Denok gonbidatuak gaude haiekin batera abestera", luzatu dute gonbita.
Usurbil Dantza Taldea
Ikasturte berrian egoitza berria Usurbil Dantza Taldekoentzat. Aurrerantzean, Oiardo Kiroldegian kokatuko da dantza zaleen bilgunea. Leku aldaketa betean diren honetan zabaldu dute bestalde, 2014-15 ikasturte berrirako izen ematea. Apuntatzeko idatzi email bat, dantzataldea@usurbil.com helbidera. Dantzariaren izen abizenak eta taldea zehaztu, maila haurren kasuan. Izen emateko beste modu bat, antolatzaileengana jotzea. Asteazken honetan eman ahalko da izena, Dantza Taldekoen egoitza berrian, Kiroldegi sarrera ondoan, eskuin aldera sartuta; irailaren 24an, 17:00-19:30 artean.
Taldeak eta ordutegiak
Irailaren 29an abiatuko dute ikasturte berria, Usurbil Dantza Taldekoek. Dantza garaikideko kideak izan ezik, irailaren 15az geroztik martxan baitira. Denboraldi berrirako duten eskaintza ikusita, argi dago; Usurbilgo dantza mugimendua indartzen ari da. Hona hemen sortu asmo dituzten taldeak eta entsegu saioen ordutegiak:
-Haurren dantza taldea: entsegu saio eguna finkatzeko, bilera irailaren 26an, 18:00etan Oiardo Kiroldegiko entsegu saioan.
-Dantza garaikidea: astelehenetan 19:30-21:00 (Udarregiko erdiko aretoan).
-Erromeria taldea: asteazkenetan 19:30-21:00 (Udarregiko erdiko aretoan).
-Dantza talde tradizionala: apuntatutakoen artean zehaztuko da ordutegia.
-Saloi dantzak: apuntatutakoen artean zehaztuko da ordutegia.
Afrikar dantza mandingeak
"Aupa gazte! Laster, afrikar erritmoak izango ditugu berriz entzungai gaztetxean", iragarri dute antolatzaileek. Afrikar dantza mandingeen ikastaroa urritik aurrera, asteazken arratsaldetan, 19:00etatik 21:00etara Usurbilgo Gaztetxean. Irakaslea: Pierre Cece Koly Camara. Prezioa, hilean 28 euro. Izena emateko deitu 627 285 904 telefono zenbakira edo idatzi email bat, usurbilgogaztetxea@gmail.com helbidera. Antolatzaileen oharra; ikastaroko ordutegia behin behinekoa da, behin betiko ordutegia talde kideen artean erabakiko da.
Batukada feministaren ikastaroa
Izen ematea zabalik, irailaren 30era arte. Apuntatzeko, deitu 943 377 110 telefono zenbakira edo idatzi parekidetasuna@usurbil.net helbidera. Mezuan, izen abizenak, helbidea eta harremanetarako telefono zenbaki bat zehaztu. Saioak urritik abendura, egunotan; urriaren 4an eta 18an, azaroaren 15 eta 29an eta abenduaren 13an.
Emakumeentzako pala ikastaroa
Pilota Elkarteak antolatuta, Usurbilgo Udalaren laguntzaz. Izen ematea zabalik irailaren 26ra arte, 943 372 498 edo kirola@usurbil.net helbidean. Taldea osatzeko gutxienez 5-6 kideek eman behar dute izena, gehienez zortzi lagunek. Ikastaroan parte hartzeko ez da beharrezkoa aurrez palan aritu izana. Ikastaroko saioen ordutegia:
-Astelehenetan: 19:30-21:00.
-Asteazkenetan: 9:30-11:00 edo 19:30-21:00.
Oiardo Kiroldegiko eskaintza
2014-15 ikasturterako kirol eskaintzaren berri eman du Oiardo Kiroldegiak. "Aurtengo eskaintza zabalagoa da, bai ikastaro aldetik, bai ordutegi aldetik", aditzera eman dutenez. Informazio gehiago, Oiardo Kiroldegian edo 943 37 24 98 telefono zenbakira deituta.
-Lehorreko ikastaroak: zumba, aerobik-step, pilates, gimnasia, spinning, 3. adineko gimnasia eta berriak combigym, lasterketa-tonifikazioa eta gap.
-Igerilekuko ikastaroak: haurtxoak, uretan moldatzea, ur ludoteka, igeriketa eskola, hastapena eta hobekuntza (helduak) eta berriak, igeriketa gidatua eta haurdun igeriketa.
EPA-n matrikulatzeko aukera zabalik
18 urtetik gorako Usurbilgo Helduen Hezkuntza eskoletan parte hartzeko, izen emateko epea zabaldu dute. Besteak beste, DBH-ko titulua eskuratu, informatika klaseak jaso edota ingeleseko mintza praktika saioetan parte hartu daiteke. Argibide gehiagorako: 943 366 608 edo epalasarte.es
Matrikulazioa zabalik euskaltegian
“Euskara praktikoa” lemapean, euskara ikastera animatzen dute Etumeta-AEK euskaltegitik. Hauxe ikasturte berrirako eskaintza: euskalduntze ikastaroak, autoikaskuntza, Mintzalagun… Izen emateko eta informazio gehiago euskaltegian:
Astelehenetik ostiralera: 11:00-13:00 eta 18:00-20:00.
Nagusia, 43
607 609 379.
usurbil@aek.org
muntteri.blogspot.com.es
KzGunea
Abuztuan itxita egon ostean, irailean goizez irekiko dute Kz Gunea; 9:00etatik 13:00etara. Datozen asteotarako ikastaro hauek iragarri dituzte:
Irailaren 29an, 9:00-11:00 artean: OpenOffice Writer: Oinarrizkoa.
Irailaren 30ean, 9:00-11:00 artean: OpenOffice Writer: Aurreratua.
Informazio gehiago: 943 023 684, tutor.usurbil@kzgunea.net