2015-19 legealdia amaitzear den honetan, maiatzaren 26ko udal hauteskundeen atarian, bilera ireki sorta deitu du Usurbilgo EHBilduk herritar kolektibo ezberdinekin; gazte nahiz jubilatuekin. Arlokako beste hainbat bilkura ireki iragarri ditu baita koalizioak, hezkuntza, kultura eta euskara, ingurumena eta mugikortasuna, kirola edota feminismoa hizpide izango dutenak.
Eremu guztiotarako Usurbilgo EHBilduk 2019-23 legealdirako aurreikusiak dituen proiektuak aurkeztu eta bertaratzen direnen ekarpenak bildu nahi dituzte. Bilera erronda hau maiatzaren 2an abiatu zuten Potxoenean; hezkuntzaren inguruko saioa egin zuten arlo honetako eragileekin. Atzo, euskara eta kultur alorreko eragileekin, Usurbilgo EHBilduk sare sozialen bidez zabaldutako ondoko argazkian ikus daitekeen moduan. Hilaren 18ra arte luzatuko da hitzordu sorta hau.
"Aurreko asteotan sare sozialen bidez aurkeztu dizkizuegu taldea eta programako proiektu nagusiak. Orain aurrez aurre aurkeztu nahi dizkizuegu, zuen ekarpenak jaso, datozen lau urteotako bidea zurekin eta herriko eragileekin egin nahi baitugu, elkarlanean. Bazatoz?", luzatu dute gonbita sare sozialen bidez.
DATOZEN DEIALDIAK
Maiatzak 6, astelehena
19:00 Kultura eta euskarako bilera Sutegi kanpoaldean.
Maiatzak 7, asteartea
19:00 Ingurumena eta mugikortasuneko bilera Sutegi kanpoaldean.
Maiatzak 8, asteazkena
12:30 Bilera jubilatutekin Artzabalen.
Maiatzak 9, osteguna
19:00 Feminismoaren inguruko bilera Sutegi kanpoaldean.
Maiatzak 18, larunbata
12:00 Gazteekin bilera Sutegi kanpoaldean.
Deitzailea: Usurbilgo EHBildu.
Udal hauteskundeak 2019
#M26 Ingurumena eta mugikortasunari buruzko EHBilduren bilera irekia 19:00etan Sutegi atarian
Arlokako nahiz kolektibo ezberdinekin bilera erronda egiten ari da egunotan Usurbilgo EHBildu, 2019-23 legealdirako proiektuak aurkeztu eta herritar nahiz eragileen ekarpenak biltzeko. Bilerotako bat gaurko, maiatzaren 7rako deitu du; ingurumen eta mugikortasunari lotutako saioa 19:00etan Sutegi kanpoaldean.