![[Balorazioak] PSE-EE: “Jaso ditugun botoak politika sozialak sustatzeko baliatuko ditugu”](https://noaua.tok-md.com/argazkiak/JJf/Patxi_Suarez_USURBIL.jpg)
“Euskal sozialistak pozik gaude botoetan gorakada izan dugulako. Herritarrei eskerrak eman nahi dizkiegu sozialistengan ipini duten konfidantzarengatik”. Halaber, azken urteotako udal dinamika mantenduko dutela iragarri dute iturri sozialistek. “Usurbilen bizi eta lan egiten dutenen bizimodua hobetzeko gure konpromisoa berritzen dugu”, iturri sozialistek NOAUA!ri aditzera eman diotenez.
“Orue-Echeverriak hasitako lanari jarraipena emango diogu”
Emaitza hauei esker, Patxi Suarez Perez zinegotzi izango da datorren udal legealdian. Fermin Orue-Echeverria zinegotziaren tokia hartuz. PSE-EEtik aditzera eman dutenez, “Orue-Echeverriak hasitako lanari jarraipena emango dio bozeramaile berriak”. Alderdiak gainera, eskerrak luzatu nahi dizkio Orue-Echeverriari: “bere lana eta dedikazioa eskertu nahi dugu”.