Eusko Legebiltzarrerako hauteskundeak 2020

13 hautagai-zerrenda aukeran, datozen hauteskundeotan

Noaua Aldizkaria 2020ko mar. 4a, 08:00

Eusko Jaurlaritzaren Segurtasun Sailak berri eman duenez, 13 dira Gipuzkoan, Eusko Legebiltzarra berritzeko datozen hauteskundeetara aurkeztu diren alderdi edo koalizio politikoak. 13 dira honenbestez, apirilaren 5ean udalerri honetan aukeran izango ditugun hautagai-zerrendak.

Duela lau urteko hauteskundeotara aurkeztu zirenak baino bi gehiago dira; 2016an 11 izan ziren Eusko Legebiltzarra berritzeko hitzorduan lehiatu ziren hautagai-zerrendak. Aipatu moduan, oraingoan bi gehiago aurkeztu dira martxoaren 2ra arte finkatua zegoen epearen baitan. Hurrenkera honetan aurkeztu dira:
1.- EUSKAL HERRIA BILDU Federazioa (EH BILDU)
2.- EUZKO ALDERDI JELTZALEA- PARTIDO NACIONALISTA VASCO (EAJ-PNV)
3.- EUSKADIKO ALDERDI SOZIALISTA EUSKADIKO EZKERRA PSE-EE (PSOE)
4.- ANIMALIEN TRATU TXARREN KONTRAKO ALDERDI ANIMALISTA (PACMA)
5.- LIBRES POR EUSKADI (LxE)
6.- ESCAÑOS EN BLANCO / AULKI ZURIAK (EB / AZ)
7.- BIDEZKO MUNDURANTZ POR MUNDO MÁS JUSTO PUM+J
8.- EQUO BERDEAK – VERDES EUSKADI
9.- VOX (VOX)
10.- PP+Cs (PP+Cs)
11.- UNIÓN CRISTIANO DEMÓCRATA ESPAÑOLA (UCDE)
12.- ELKARREKIN PODEMOS-IU (PODEMOS-AHALDUGU/EZKER ANITZA-IU)
13.- RECORTES CERO-SOLIDARIA-LOS VERDES (Recortes Cero-LV-S)

Araba, Bizkaia eta Gipuzkoako hauteskunde batzordeek martxoaren 9an, datorren astelehenean aldarrikatuko dituzte apirilaren 5eko hitzordura begira aurkeztu diren hautagai-zerrendak. Biharamunean, hilaren 10ean argitaratuko ditu, Euskal Herriko Agintaritza Aldizkariak (EHAA). 

#A5 Hauteskundeak
-Otsailak 11: Eusko Legebiltzarra desegin eta hauteskundeak deitzeko dekretua argitaratu du Euskal Herriko Agintaritzaren Aldizkariak.
-Otsailak 11-martxoak 26: posta bidez bozkatzea eskatzeko epea (atzerrian bizi direnek martxoaren 7ra arte).
-Otsailak 26-martxoak 2: hautagai zerrenden aurkezpena hauteskunde batzordeetan.
-Martxoak 7-11: hauteslekuetako mahaiak osatzeko kideen zozketak.
-Martxoak 9: hauteskunde egunez hauteslekuetako mahaietarako herritarrak hautatzeko zozketa, 18:00etako ezohiko udalbatzarrean.
-Martxoak 10: hautagai zerrenden argitaratzea.
-Martxoak 16-29: posta bidez bozkatzea eskatu dutenek beharrezko dokumentazioa jasoko dute.
-Martxoak 20-apirilak 3: hauteskunde kanpaina.
-Apirilak 4: hausnarketa eguna.
-Apirilak 5: hauteskunde eguna.