Usurbilgo Udalak udal aurrekontuen exekuzio informazioa helarazi behar izaten dio hiruhilero Gipuzkoako Foru Aldundiari, eta bide batez udalbatzari ere gai honen inguruko xehetasunak eman zaizkio; batetik, zorpetze mailaren berri; urtea %14aren bueltan borobiltzea aurreikusten zuen Olanok. Eta udal aurrekontuen exekuzio maila %100ekoa ez dela izaten adierazi arren, ehuneko horretatik hurbil kokatu zituen udal kontuhartzaileak 2020a ixterakoan Udalak izan zitzakeen diru-sarrerak eta gastuak. Segidan orain arte aipaturikoa zenbakitan:
Zorpetze maila
2. hiruhileko amaiera: %15,15.
3. hiruhileko amaiera: %14,61.
Urte amaierako aurreikuspena: %14 inguru.
Exekuzio maila
2. hiruhileko amaiera:
Sarrerak: %54. Gastuak: %46.
3. hiruhileko amaiera:
Sarrerak: %76,53. Gastuak: %69,41.
Urte amaierako aurreikuspena:
Sarrerak: %80-90. Gastuak: %70-80.
Hala zioen Xabier Olano udal kontuhartzaileak abenduaren 23an egin zuten urteko azken udalbatzarrean. Udalaren egoera finantzarioari buruzko xehetasunak eskaini zituen, hiruhilero egiten duen moduan.