Kontzertua
Maiatzak 9, igandea
18:00 Kontzertua Sutegin: Joseba B. Lenoir Gang.
Sarrerak aurrez eskuragarri: 8 eurotan, usurbilkultura.eus atarian.
Zehaztasunak: "Joseba B. Lenoirrek dituen proiektuen artean bada bat beratar musikari honek bere buruari eskaintzen diona, ia modu unipertsonalean egiteraino gainera.
Bere azken lan diskografikoan, Instroak Vol.3 izenpean, Bai, bagara filmerako sortutako musika bildu du. Larraitz Zuazok zuzendutako road triperako dokumental hau Iñaki Goirizelaiaren ideiaren emaitza da, eta bertan Iñaki bera ikusiko dugu Amerikako Estatu Batuetan zehar barne zein kanpo bidaia batean murgilduta, gure baloreen bila, edota holakorik ote dagoen argitu nahian.
Lenoirren lan honen zuzenekorako proposamenak musika eta irudia uztartu zituen diskoaren aurkezpen kontzertuetan. Emanaldietan saio horietarako espreski landutako bideo-lanak ere batu zitzaizkion musikari.
Oraingoan, aldiz, Berako musikariak Joseba B. Lenoir Gang formatua berreskuratu du, eta kontzertuetan disko berriko hotsak entzuteaz gain bere ibilbide osoko kantuak aditzeko aukera egongo da".
Antolatzailea: Usurbilgo Udala.
JEXUX ARTZE KULTUR ELKARTEAREN UDABERRIKO EKITALDIAK
Maiatzak 7, ostirala
19:00 "Ane" filmaren proiekzioa Sutegin.
Xehetasunak: "David Pérez Sañudok zuzendu duen pelikula. Lide segurtasun-zaintzailea da; abiadura handiko trenaren obretan egiten du lan, kaleetan protesta sozialak eragiten dituen proiektu batean, hain zuzen. Lan egin eta gaua festan igaro ondoren etxera itzultzen denean, bi lagunentzako gosaria prestatzen du, baina bere alaba nerabea, Ane, ez dago etxean. Hurrengo egunean, Ane oraindik ez da agertu. Lide lasai dago, ziurrenik, aurreko egunean izandako eztabaida gogorraren ondorioz desagertuko zelako. Aneren gauzen artean bilatzen, konturatuko da ez duela benetan bere alaba ezagutzen.
Sarrerak: 5 eurotan usurbilkultura.eus atarian salgai.
Maiatzak 8, larunbata
19:00 “Konpromisoa” antzezlana Sutegin.
Zuzendaria: Begoña Bilbao.
Aktoreak: Joseba Apaolaza, Ramon Agirre eta Zuhaitz Gurrutxaga.
Xehetasunak: "Antzezlan honek jorratzen ditu gizartean puri-purian dauden gaiak: adiskidetasuna, etika edo elkarrekiko konpromisoa. Aspaldiko lagunak pisua erosteko eroslearekin tratua egiteko prest daude. Eroslea edo engainatuko duten inuzentea? Eroslearen zain dauden bitartean bi lagunak elkarri belarria goxatzen arituko dira, mokoka, adar jotzen. Baina, halako batean, egoerak okerrera egingo du. Aspaldi gordeta zeuzkaten erremin eta sumindurak elkarri botako dizkiote. Eroslea bien arteko joko maltzur horretan, biktima bihurtuko ote da?".
Sarrerak: AGORTUAK.
Maiatzak 15, larunbata
19:00 “Basabi” eta “Kimu” Taldeen kontzertua Sutegin.
Xehetasunak: "Basabi musika klasikoa eta txalaparta bere ohiko eremuetatik kanpo zabaltzeko sortu zen proiektua da. Txalapartaren hotsak sokazko musikatresnen sonoritatea disziplina biziago batera eramaten du. Labetik atera berria den Kronos lana eskainiko dute.
Musikariak hauek izango dira: Iñigo Coto bibolinarekin, Marina Barredo biolarekin, Ricardo de Lucas kontrabaxuarekin eta txalapartarekin aldiz, Sergio Lamuedra eta Txomin Dhers.
Basabiren kontzertuaz gain, Kimu Txalaparta taldearen Kimu Berriak ikuskizunaren ale bat ikusteko aukera eskainiko digute Sergio Lamuedrak eta Txomin Dhersek egurrezko txalapartarekin".
Sarrerak: 10 eurotan usurbilkultura.eus atarian salgai.
Antolatzailea: Jexux Artze Kultur Elkartea.