Lehenik, Kimu taldeak txalaparta erakustaldia eskaini du, hamar bat minutuz. Instrumentu tradizionalaren doinuek Sutegira hurbildutako dozenaka lagun aho zabalik utzi ditu. Gero, Kimu taldea osatzen duten txalapartariei musikari gehiago gehitu zaizkie, eta Basabi taldea osatuta, kontzertua eskaini dute.
Jexux Artze Kultur Elkarteak txalaparta indartu nahi du berriro Usurbilen, eta Zumarte Musika Eskolarekin bat eginda, txalaparta ikastaroa eskainiko dute. Aurrerantzean ere, Zumarten txalaparta erakustea nahi dute.