Adi, abenduaren 16tik aurrera, Olentzerorentzako gutunak biltzeko postontziak jarriko dituzte herriko gune desberdinetan: Udarregi Ikastolan, Aginagako eta Zubietako eskoletan, Santuenea eta Aginagako zaharren egoitzetan, Sutegi udal liburutegian, ludotekan eta Potxoenean.
Abenduaren 24an egingo zaio harrera Olentzerori Usurbilen, herritarrek, eragileek eta Udalak lankidetzan antolaturiko hitzorduaren baitan. 17:00etan etorriko da Kalezar aldetik 18:00ak aldera Dema plazan izateko. Tarte horretan, kalez kale ibiliko da ikazkina, galtzagorriez inguratua.