Udalak energia berriztagarrien inguruko hitzaldi bat antolatu zuen iazko udaberrian. Komunitate bat osatzeko planteamendua ekitaldi horretan bertan egin zen. 50 bat lagunek agertu zuten interesa eta iaztik hona talde eragile bat aritu da lanean. Laster batean, komunitate honek kooperatiba izaera hartuko du modu ofizialean.
Orain arteko egindakoa eta aurrera begira dituzten asmoen inguruko azalpen ugari eskaini dizkigute eta podcast honetan dituzue entzungai.
Martxoaren 21an asteartea, bilera Potxoenean
Xehetasun gehiago eskainiko dituzte martxoaren 21erako antolatu duten hitzaldian. Potxoenean batuko dira, arratsaldeko 19:00etan, eta interesa duen edonork ateak zabalik topatuko ditu.
Kooperatiba honetako kide izan nahi duen orok hortaz, martxoaren 21eko bilerara agertu dadila edo e-posta honetara idatz dezala bestela: info@ebkusurbil.eus