Mendeku Itxua heavy taldearekin aski ezagunak egin ziren gure bi protagonistak, Ixak Arruti kantaria zein gitarrajolea eta Martin Larrañaga bateriajolea. Orain, taldekide berriekin eta egitasmo berri batekin itzuli dira plazara. Izan Bai metal taldeak lehen diskoa eman du argitara, 'Dena galdu baino lehen' izenekoa, eta otsailaren 22an lehen kontzertua eskainiko dute Aginagako Eliza Zaharrean. Txiskeroak taldeak ere hartuko du parte jaialdian. Sarrerak dagoeneko Usurbil Kultura atari digitalean eskura ditzakezue.