Maluta Filmsek ekoitzitako film hau "Euskararen eta artearen Usurbil. Rikardo Arregiren oihartzuna 60 urte geroago" zikloaren baitan eskainiko dute ostiral honetan, hilak 22, Sutegin. Ondoren, mahainguru bat hasiko da eta bertan hartuko dute parte Ainara Mendiola zuzendariak, Ismael Manterola EHUko dekanoak eta Idurre Eskisabel Euskalgintzaren Kontseiluko idazkariak.
Arratsaldea borobiltzeko, Jakoba Errekondok eta Maialen Lujanbiok bertso-ibilaldi bat hasiko dute Sutegitik Remigio Mendibururen eskulturaraino.