Petri Romero Usurbilgo sozialisten bozeramailearen ustez, EH Bilduk proposatutako igoerak ahalegin handia eskatzen die herritarrei eta ez dago justifikatuta. “Hori dela eta, sozialistok udal gobernuaren proposamenaren aurka bozkatu dugu”.
Udal talde sozialistaren ustez, % 2,6ko gehikuntza aplikatu beharko litzateke, urtez urteko KPIa bezala, eta gogorarazi du sozialistek jada zenbait neurri bultzatu dituztela, herritarrei kargarik gabe diru-bilketa handitzen laguntzeko. "Guretzat, ekintza politikoa ez da ulertzen jendearen bizitza hobetzera, kalitatezko zerbitzu publikoak ematera eta justizia sozialean sakontzera bideratuta ez badago; izan ere, kalitatezko zerbitzu publikoak beharrezkoagoak dira gutxien duenarentzat. Hori da aberastasuna birbanatzeko modu bakarra, egoera ahulenetan dauden herritarrei bestela oso zaila izango liezaieke zerbitzuak jasotzeko aukera izatea, eta bide horretan beti aurkituko dute talde sozialista", adierazi du prentsa-ohar bidez Petri Romero zinegotzi sozialistak.
Justizia sozialaren alde
Petri Romerok gogorarazi duenez, dagoeneko badira diru-bilketan laguntzen duten eta herritarrak hainbeste itotzen ez dituzten hainbat neurri. "Espainiako gobernu sozialistak ezarritako zerga-aldaketa multzoa, izaera solidarioa duten zergak eratu dituena, hala nola energetikoak, bankuak edo Gipuzkoan izapidetzen diren fortuna handiak”.
Udal talde sozialistak gogorarazi nahi du “udalei ere eragiten diela inflazioak eta energiaren prezioaren igoerek, baina ez da ahaztu behar azken ekitaldi hauek positiboak izaten ari direla foruen bilketari dagokionez, eta horrek FOFIN bidez udal-kutxetan diru-sarrera handiagoa izatea ere badakarrela”.
Romeroren esanetan, "zerga horiek gehien daukanak edo egoera ekonomiko honek onura gehien dakarrenari gehiago ordaintzeko asmoz sortu dira, justizia sozialean aurrera egiten lagunduko duten kalitatezko zerbitzuak eta prestazioak finantzatzeko". Usurbilgo PSE-EEren ustez, "legealdi konplexu batetik gatoz erakundearentzat eta udalentzat. Baina lau urteok askoz zailagoak izan dira herritarrentzat".
