Ahozkotasunaren ikuspegitik, balio handiko lantxoa da. Iragan hurbilean erabiltzen ziren hainbat espresio biltzen dituelako. Attu! da horren erakusgarri. Hortik egitasmo honi ipini diogun izenburua. Arantzazu Aranburuk ahoskatzen diren moduan jaso dituenez, ikusentzunezko lengoaiaren aldeko apustua egin dugu. Ahozkotasunaren muina askoz egokiago islatzen delako horrela.
Sare sozialetan zabalduko dira
Arantzazuren koadernoan oinarrituz, umorezko 8 esketx labur ekoiztu ditugu. Abenduan zehar elkarbanatuko ditugu sare sozialetan eta noaua.eus web orrian.
Transmisio lana
Beti ere, helburu argi batekin: Usurbilgo jende helduaren eskutik jasotako euskarazko esamoldeak gazteagoak diren herritarren artean zabaltzea.