Zubietako erraustegia

Arkaitzerrekako hondamendia salatzeko elkarretaratzea larunbatean Zubietan

Erraustegi ondotik igarotzen den Arkaitzerrekako azken egunotako gertaerak salatzeko urgentziazko elkarretaratzea deitu du Erraustegiaren Aurkako Mugimenduak larunbat honetarako, uztailak 16, eguerdiko 12:00etan Zubietako plazan. 

Urgentziazko mezu laburra plazaratu berri du ostiral honetan Erraustegiaren Aurkako Mugimenduak sare sozialen bidez. "Erraustegiko azken isurketen harira; bihar larunbata elkarretaratzea Zubietako plazan 12:00etan. Lagundu deialdia zabaltzen mesedez". 

Asteazkenaz geroztik, Zubietako erraustegi ondotik igarotzen den Arkaitzerrekak dakarren kutsadura salatzeko mobilizazioa izango da. Gertaera hauetatik hirugarren eguna gaur. Momentuz, ez dago argibiderik. Ur-laginak aztertzen ari dira, emaitzen zain. Zenbait hedabideetan Gipuzkoako Hondakinen Kontsortzioak (GHK) duela bi urte egin bezala, ukatu egin du isurketok erraustegiarekin lotura izan dezaketenik. Eta momentuz, ezer gutxi gehiago. Berriz ere, Arkaitzerreka kutsatua dagoela, gorritsu eta apartsu. Zubietako erreka hau berriz ere erasotua izan dela.

Duela bi urteko egoera beretsua errepikatzen ari da. 2020ko maiatzean gogoan izan, erraustegitik isuritako amoniakoak ehunka arrain eta aingira hil zituen. Ikerketapean da auzia, 14 inputaturekin. Egunotako gertaerak salatzeko plazaratzera deitu ditu herritarrak larunbat eguerdirako (uztailak 16, 12:00etan Zubietako plazan) Erraustegiaren Aurkako Mugimenduak.

Erlazionatuak

Arkaitzerreka hondamendi gunea, bigarren egunez

Zubieta

Zubietako erraustegi ondotik igarotzen den Arkaitzerrekak ostegun eguerdi honetan zuen itxura duzue irudiotan.
Kezka eta haserrea, kutsatzen segitzen duten Arkaitzerrekaren aurrean

Zubieta

Haserrea eta kezka agertu dute azken orduotan herritar eta eragile hainbatek, Arkaitzerrekan gertatzen ari denarekiko.