Aste hasiera mugitua bizitzen ari gara zalantza izpirik gabe. Haizetsu esnatu zaigu astelehen hau, alerta laranja indarrean jarri dute goizeko 9:00etan hasi eta 15:00ak arte. Izan ere, 120 kilometro ordutik gorako haize boladak izan genitzakeela ohartarazi du Euskalmet meteorologia agentziak. Zoritxarrez, azken orduotako haizeteok ezbeharrik eragin dute, Zubietan hain zuzen.
Hipodromoko zubia zeharkatu eta Zubietako Kaxko aldera doan bideko lehen bihurgunean zuhaitz bat erori da eta pertsona bat harrapatu du azpian. "Zuhaitz baten erorketagatik harrapatua geratu den pertsona erresketatu dugu Zubietan", berri eman dute Donostiako suhiltzaileek. Eskuhartzea egin duten uneko argazkia zabaldu dute sare sozialen bidez. "Zaurituari azkar senda dadin opa diogu", adierazi diete Donostiako suhiltzaileek.
Alerta laranjan gaudenez, kontuz ibiltzeko deia egin dute suhiltzaileok. Ezbeharra gertatu den inguruan hain zuzen, haizeagatik zuhaitzetatik eroritako adaxkak nonahi ikus zitezkeen.
Esku-hartzearen #argazki batzuk. Zaurituari azkar senda dadin opa diogu.
— Donostiako Suhiltzaileak (@BomberosDonosti) February 12, 2024
Unas #imágenes de la intervención. Deseamos pronta recuperación del herido. https://t.co/AePgBRFwKE pic.twitter.com/gtytbMdQXL
Zuhaitz baten erorketagatik harrapatua geratu den pertsona #erreskatatu dugu. Zubietan.#Rescate de persona atrapada por árbol caído debido al viento. La hemos liberado y puesto a disposición de sanitarios, en Zubieta.
— Donostiako Suhiltzaileak (@BomberosDonosti) February 12, 2024
🟠Gogoratu, alerta laranja haizeagatik.
‼️⚠️ Precaución!