Zubietako erraustegia

"Uda ostean" guztiz martxan jarri nahi dute erraustegia

Berriki Gipuzkoako Batzar Nagusietako ordezkari politikoek Zubietako erraustegira eginiko bisitan, "uda ostean" guztiz martxan jarri nahi dutela berretsi dute. 

Iragan astean Gipuzkoako Batzar Nagusiek antolatuta, alderdi politiko ezberdinetako ordezkariak Zubietako erraustegia bisitatzen izan ziren. Bisita honen harira Gipuzkoako Hondakinen Kontsortzioak (GHK) berri eman duenez, "uda ostean", egutegia eskutan iraila aldera martxan jarri nahi dute %100ean hondakinak errausteko azpiegitura. Batzarkideek, bisitan zehar erraustegia eta Tratamendu Mekaniko Biologikoko (TMB) planta bisitatu zituzten. 

GHK-ren esanetan, "TMBak 162.000 tonako edukiera du guztira, eta Gipuzkoak urtean sortzen dituen gainerako hiri-hondakinen batez besteko 135.000 tona kudeatuko ditu, nahasita datozen material birziklagarrien % 8 eta % 10 artean berreskuratuz (paper-kartoia, plastikozko ontziak, burdinazko metalak eta burdinazkoak ez diren metalak). Ondoren, hondakinak biolehortze-instalazio batera igaroko dira, pisua eta bolumena murrizteko, eta balorizazio-instalazioko energia-ekoizpena eraginkorragoa izateko. Balorizazio Energetikoko Plantak (BEP) urtean 160.000 MWh sortuko ditu, 45.000 etxebizitza eta 130.000 pertsona inguru energia elektrikoz hornitzeko adina energia".

"GHK-k kontratu-bermeak egiaztatzea besterik ez da geratzen"
GHK-ren lehendakari eta foru ingurumen diputatu Jose Ignacio Asensioren esanetan, Zubieta gaineko azpiegiturekin, besteak beste hondakinak erraustuz "zabortegien aroa behin betiko" gainditu ahalko du Gipuzkoak. 

Azaroa amaieran abiaturiko probaldi fase honetan zehar, hilabeteotan sarritan ikusi da kea zeriola Zubietako erraustegia. Gogoan izan, "ofizialki" probaldi fasean dute Zubietako erraustegia, Gipuzkoako Hondakinen Kontsortzioaren (GHK) arabera, %80an dute martxan. "GHK-k kontratu-bermeak egiaztatzea besterik ez da geratzen, instalazioa emakidadunarekin onartutako eta hitzartutako zerbitzu-baldintzetan jartzen dela egiaztatzeko", Kontsortzioak ekainaren 17an adierazi duenez. Prozesu honek 10-12 iraun ditzakeela aurreikusten du eta horren ostean jarriko dute %100ean martxan. Egutegia eskutan, iraila aldera piztu dezakete guztiz jada martxan duten Zubietako erraustegia.

Erlazionatuak

Zubietako erraustegira bisita ofiziala egitea onartu dute Gipuzkoako Batzar Nagusiek

Zubieta

Ostiral goiz honetako Ingurumeneko eta Obra Hidraulikoetako Batzordean aurkeztu du Elkarrekin Podemosek eskaera, azpiegitura honen egoera bertatik ...
Espainiako Auzitegi Konstituzionalak tramitera onartu du GuraSOSen erregu helegitea

Usurbil

Erakunde eta auzitegietan bizirik da erraustegiaren gaia, GuraSOSek egunotan aditzera emandakoaren arabera. Madrileraino eta Europaraino heldu da a...
Udazkenean Europako Parlamentura joango da GuraSOS

Usurbil

Espainiako auzitegietan soilik ez, Europan ere bi ekimen abian ditu GuraSOSek.  "Erraustegiaren eta ingurumen baimenaren gaia agenda instituzi...
GuraSOS: "Erraustegiaren jarraipen zehatza eta zorrotza egitea da gure helburua"

Usurbil

Foru Aldunditik erraustegiaren proiektua guztiz martxan jartzeko bidea "ziztu bizian" jorratzen ari direla adierazi dute. GuraSOSek ordea abian dit...