Larunbat eguerdian, urriaren 17an horma-irudia margotzeko iragarritako ekitaldia bertan behera utzi du Usurbilgo Sarek, eguraldi iragarpenagatik. Gogoan izan, azken ostiraletako mobilizazioei amaiera ematera doaz. Aurretik, urteotan Usurbilen presoen eskubideen alde hainbat herrikideek eta eragileek eginiko lana aitortzeko horma-irudia margotu nahi zuten larunbat honetan.

"Egoera jasanezina" da eta "hau guztia larriagotzen ari da, zoritxarrez". Oso argi eta ozen salatu du Donostialdeko Osasungintza Publikoaren Aldeko Herri Plataformak (DOPA) Osakidetzak eskualde honetan bizi duen egoera, kategoria guztiak biltzen dituen langile taldearekin batera. Ostiral goiz honetan, urriaren 16an, agerraldia egin dute Etengabeko Arreta Guneetako baten, Donostiako Amarako anbulatorioaren atarian.