Jatorri aniztasuna aldarrikatu eta hau guztia egoki kudeatzeak duen garrantzia nabarmendu dute, aurtengo Mundualdiaren hasiera ekitaldian. Denok izan, egon eta bizi ahalko garen kolektibotasun berria eraikitzeko bidean sakontzeko deia egin dute ekimeneko antolatzaileek.

Askotariko sorterrietako herrikideen arteko elkar ezagutza eta harremantzea sustatzeko Mundualdia hitzordu gastronomiko bat ere bada, aurtengo edizioak, beste urte batez, argi utzi duen moduan. Herritik mugitu gabe, herrialde askotara garraiatu dituzte bisitariak, frontoian kokaturiko postuetako jakiek.