Kirolari ugari ditugu Usurbilen. Sail berri honen lehen denboraldirako hamaika lagun hautatu ditugu. Maiatzaren 6tik aurrera elkarrizketa bat zabalduko dugu ostiralero, sarean zein paperean. Luis Jambrina bideo errealizadoreak egin ditu edizio lanak.
HAMAIKAKOA
Eneko Furundarena: "Eskubaloian laguntasun giroa da nagusi"

Usurbil

Txikitan batez ere pilotan eta futbolean aritzen zen  jolasean. "Egia esan, eskubaloian ez nintzen batere ibiltzen", elkarrizketan zehar adierazi digunez. Eskola Kirola bidez ezagutu zuen eta orain, 18 urterekin, elitean ari da. Onenen pare. Bidasoa Irun eskubaloi taldeko jokalari gazteenetako bat da.