[Kulturaldia] Ekitaldietarako txartelak merkeago, NOAUA! K.E.-ko bazkideentzat

Bistan denez, NOAUA! Kultur Elkarteko bazkideok merkeago eskuratu ahalko dituzue sarrera behar duten Kulturaldiko ekitaldietarako txartelak. Segidan dituzue xehetasunak. NOAUA! K.E.-ko bazkide ez bazara, honako hau duzu bazkidetza izapidetzeko une egokia. Bordaberri 3ko egoitzara etorri eta segituan tramitatuko dizugu.  

Urteroko 40 euroko kuotaren truke, Usurbilgo berri jaso, NOAUA! K.E.-k antolaturiko ekitaldietarako sarbidea merkeago izan, errenta aitorpenean hobaria aplikatu edota antolatzen ditugun sari ezberdinen zozketako onuradun izan zaitezke. Oraintxe duzu aukera ezin eskurago; egin zaitez NOAUA!ko bazkide! 

NOAUA!ren KULTURALDIA
Azaroak 6, asteazkena
18:00 Euskaraldiaren ikerketa: Usurbilgo emaitzen aurkezpena Potxoenean.
Sarrera: doan.
Antolatzaileak: NOAUA! K.E., Usurbilgo Udala eta Soziolinguistika Klusterra.

Azaroak 8, ostirala
19:30 Orbeldi Dantza Taldearen “Orbel jauzia” emanaldia Sutegin.
Sarrera: 3€ (Aldez aurretik Bordatxon, Txirristran, Lizardin eta Noaua!ko egoitzan). Noaua!ko bazkideek 1€tan erosi ahal izango dute Noaua!ko egoitzan aldez aurretik.
Antolatzaileak: Orbeldi D.T. eta NOAUA! K.E.

Azaroak 9, larunbata
12:30 Kalejira Ane Azkonobieta eta Mikel Alkorta bertsolariekin.
14:30 Bertso bazkaria Aitzaga Elkartean, Maialen Lujanbio eta Igor Elortza bertsolariekin.
Menua: entsalada epela, karrilerak eta postrea (kafea eta kopa barne).
Txartelak: 20€ eta (15€ soldatarik gabekoek). Aldez aurretik Aitzagan, Bordatxon eta Noaua! K.E.-ren egoitzan salgai.
Antolatzaileak: Bota Punttuba eta NOAUA! K.E.

Azaroak 10, igandea
19:00 Izaki Gardenak taldearen kontzertua Sutegin.
Sarrera: 10€ (aldez aurretik Bordatxon, Txirristran, Lizardin eta Noaua!ko egoitzan). Noaua!ko bazkideek 8€tan erosi ahal izango dute Noaua!ko egoitzan aldez aurretik.  
Antolatzailea: NOAUA! K.E.

Azaroak 12, asteartea
19:30 Huntza taldeko abeslari Josune Arakistainekin solasaldia Sutegin.
Sarrera: doan.
Antolatzailea: NOAUA! K.E.

Azaroak 15, ostirala
19:30 Ugaitz Agirreren poesia errezitaldia Sutegin.
Sarrera: doan.
Antolatzailea: NOAUA! K.E.

Azaroak 16, larunbata
20:00 “Tabernaria”, Mikel Martinezen bakarrizketa saioa Sutegin.
Sarrera: 3€ (Aldez aurretik Bordatxon, Txirristran, Lizardin eta Noaua!ko egoitzan). Noaua!ko bazkideek 2€tan erosi ahal izango dute Noaua!ko egoitzan aldez aurretik. 
Antolatzailea: NOAUA! K.E.

Azaroak 17, igandea
19:30 “Agur Etxebeste” filmaren proiekzioa Sutegin.
Sarrera: 6€ (Aldez aurretik Bordatxon, Txirristran, Lizardin eta Noaua!ko egoitzan). Noaua!ko bazkideek 4€tan erosi ahal izango dute Noaua!ko egoitzan aldez aurretik.
Antolatzailea: NOAUA! K.E.