Larunbat honetan, kantu-jira. Iluntzeko 19:00etan elkartuko dira frontoian. Euskal kantuak abestuz, kalejiran ibiliko dira. Deialdia irekia denez, kantuan aritzeko gogoz dauden guztiak ateak irekiak dituzte.

Noaua Aldizkaria 2009 urr 26 Usurbil

Dagoeneko erabilgarri dago kiroldegi ondoko esne makina eta harrera ona izan du, gainera. Esne makina honetan Bordatxo esnea eros daiteke, Usurbilgo Iarbe baserrikoa.

Noaua Aldizkaria 2009 urr 21 Usurbil

Irrati tabernak urteurrena ospatu du bere bezeroekin batera. Herri bazkaria eta gero, jolasak izan dira eta ondoren kontzertua Mikel Laboa plazan. Odolaren Mintzoak jo du, besteak beste.

Noaua Aldizkaria 2009 urr 18 Usurbil

Igande honetan, urriak 18, "Kanpanila eta Peter Panen itzala" ipuin zoragarrian oinarritzen den antzezlana ikusi ahal izango dugu Sutegin, 17:30ean. Sarrerak, euro batean, dagoeneko salgai dira NOAUA!n.

Noaua Aldizkaria 2009 urr 16 Usurbil

Eguraldiak ez zuen lagundu baina zubietar askok hartu zuten parte urriaren 12ko euskal jaian. Irudian, euskal kantu taldekoak, Alamandegi parean kantatzen.

Noaua Aldizkaria 2009 urr 13 Usurbil

Bertsolariak Aginagako ludotekan aritu dira kantuan eta kokalekua ez da oharkabean pasa. Agurrean Amets Arzallusek aipatu bezala, maiz aritu dira frontoitan, antzokietan edota elizetan. Ez ordea ludoteka batean...

Noaua Aldizkaria 2009 urr 10 Usurbil

Errauste planta eraiki nahi duten tokian, zundaketa lanak hasi dituzte. Hori salatzeko, protestaldia egin zuten pasa den larunbatean. Zundaketak egiten ari diren tokiraino iritsi ziren, eta haritzak landatu zituzten.

Noaua Aldizkaria 2009 urr 05 Usurbil

Igande honetan, herri kirol lehia ikusgarria iragarri dute Aginagan. Jaien aitzakian, Aginaga eta Orio arituko dira lehian, 18:00etatik aurrera.

Noaua Aldizkaria 2009 urr 02 Usurbil

Eskubaloi taldeko zozketan, Mariaje Furundarena izan da azken zozketako irabazlea. Patri jatetxean birentzat afaria tokatu zaio. Usurbil KEko kideek eskerrak eman nahi dizkiete partehartzaile denei.

Noaua Aldizkaria 2009 ira 29 Usurbil

Usurbilgo Kantu Taldea martxan dugu berriz ere. Ostegun honetan, Udarregin biltzeko deialdia egin dute. 19:30ean hasiko den bilera hori irekia da, beraz, lehen aldiz Kantu Taldera bildu nahi dutenek ateak zabalik dituzte.

Noaua Aldizkaria 2009 ira 28 Usurbil

Aurora Parra sopranoak kantaldia eskainiko du larunbat honetan Sutegin. Sorozabal eta Guridiren obrak kantatuko ditu eta baita Kubako zarzuela bat ere. 19:00ean hasiko da eta sarrera doan izango da.

Noaua Aldizkaria 2009 ira 23 Usurbil

Ana Urdangarin eta Larraitz Izagirre Etiopian izan dira udan. Joan baino lehen, sentsibilizazio kanpaina bideratu zuten herrian. Hango abenturen berri eman digute. Laster, NOAUA!n irakurgai.

Noaua Aldizkaria 2009 ira 21 Usurbil

"Ucingo errauskailua, asteburuan, euria goian-behean, suilaka ari zela bera ere tope martxan...". Herritar batek bidalitako argazkia.

Noaua Aldizkaria 2009 ira 21 Usurbil

Gaur arratsaldeko 19:30ean manifestazioa egin da, LABek deituta. Azken hilabeteotan, bereziki industria sektorean pairatzen ari diren egoera larria salatu dute. Manifestarien artean, Ingemarreko langile asko izan dira.

Noaua Aldizkaria 2009 ira 18 Usurbil

Ingemarrekoak mobilizaziotan dira egunotan. Gaur Bordatxo pareko errotondan protestaldia egin dute, errepidea moztuz. Ondoren, manifestazioan ibili dira.

Noaua Aldizkaria 2009 ira 17 Usurbil

Igande honetan egingo da Baxurde Krossa. Izen ematea zabaldu dute, herrikrossa.com web orrialdean. 7 euro aldez aurretik, edo 10 euro, egunean bertan, Mikel Laboa plazan.

Noaua Aldizkaria 2009 ira 16 Usurbil

Errausketarren aurkako plataformako kideek giza-katea egin zuten igandean Donostian. "Zubieta bizirik! Alternatibak martxan!" irakur zitekeen pankarta batean.

Noaua Aldizkaria 2009 ira 15 Usurbil

Igande honetan, Errausketaren Aurkako Plataformen Koordinadorak Kontxako hondartzan egingo den giza-katean parte hartzeko deia egin du. 11:30ean, erlojuen inguruan.

Noaua Aldizkaria 2009 ira 11 Usurbil

Ostiral honetan, Porrotx pailazoa Aginagako frontoian arituko da. Ximon lagunarekin batera, bihurrikeri ugari egingo ditu. Arratsaldeko 18:00etan hasiko da Porrotx eta Ximonen saioa. Sarrera, doan.

Noaua Aldizkaria 2009 ira 07 Usurbil

Atxegaldeko festak izan ziren aurreko asteburuan. Argazkitegian ipini ditugu hainbat argazki. Zurea ere bertan ikusi nahi baduzu, bidali JPG formatoan gure helbide elektronikora: erredakzioa@noaua.com

Noaua Aldizkaria 2009 ira 02 Usurbil