Pulpo Eskubaloi Klubekoekin lehiatuko da Usurbil K.E.-ren lehen nazional mailako senior gizonezkoen taldea azaroaren 7an Zumaian. Aipatu bilgunetik aditzera eman dutenez, aurkarien taldeak "40 sarrera jarri ditu Usurbil KEren eskura, bakoitza 5 euroan".

Astelehen honetan, azaroaren 2an irekiko dute Oiardo kiroldegiko igerilekua eta sauna berritua. Irekiera horrekin batera jarriko dituzte martxan uretako ikastaroak ere. Eraberritze lanen amaiera ospatu asmo du Usurbilgo Udalak azaroaren 14an eta 15ean erabiltzaile gaztetxoenei zuzenduriko eskaintzarekin.