Arrakasta handia izan du txu txu trenak. Ilarak zeuden goizean goizetik, trenean igo eta herrian zehar ibiltzeko. Bordatxo ondoko errotondatik ateratzen da.

Noaua Aldizkaria 2009 uzt 04 Usurbil

Gutxigatik izan bazen ere, Orio nagusitu zen atzoko gizon proban. Jende asko bildu zen Orio zein Usurbilgo gazteen saioa ikustera.

Noaua Aldizkaria 2009 uzt 02 Usurbil

Maskotaren igoera egin zen atzo arratsaldean. Igandera arte, frontoian izango da zintzilik, jaien zaindari moduan edo. Ordu berean, Artzabal eta Askatasuna plazako txosnak zabaldu zituzten.

Noaua Aldizkaria 2009 uzt 02 Usurbil

Udaletxe aurretik abiatu da haur danborrada eta gero herrian zehar ibili dira, txarangak jarritako erritmora. Bien bitartean, loreak eta salda banatu dituzte Dema plazan.

Noaua Aldizkaria 2009 uzt 02 Usurbil

Soka dantzak, urtero bezala, jendetza bildu zuen atzo Kalezarren. Auzotarren animoen artean aritu ziren dantzan, auzoko adinduei eskainitako ekitaldian.

Noaua Aldizkaria 2009 eka 25 Usurbil

Herriko dantza taldeak ikasturtea amaitu arren, orain dute urtean zehar landutakoa plazaratzeko aukera. Herri zein auzoetako jaietan. Lehen erakustaldia, larunbatean burutu zuten Kalezarreko San Joanetan.

Noaua Aldizkaria 2009 eka 24 Usurbil

Larunbat honetan elkarretaratzea egin da udaletxe aurrean, Arrigorriagako atentatua gaitzesteko. Astelehenean, Eusko Legebiltzarrak omenaldia egingo dio ETAk hildako poliziaren inspektoreari.

Noaua Aldizkaria 2009 eka 20 Usurbil

Gazte Ekimenekoek goitibehera saioa antolatu dute. Jaitsieran parte hartzera gonbidatu nahi dituzte herritarrak. Goitibehera jaitsiera uztailaren 2an egingo da, 18:00etan.

Noaua Aldizkaria 2009 eka 18 Usurbil

Ekainaren 7an, Errenteriako judo jardunaldietan izan ziren gazte hauek. Larunbatean, Usurbilgo kiroldegian izango ditugu. Judok ere badu harrobia gure herrian.

Noaua Aldizkaria 2009 eka 16 Usurbil

Jende ugari bildu zuten larunbat arratsaldean Txirri, Mirri eta Txiribiton Junior pailazoek. Frontoian elkartu ziren haur eta gazteek "Bihurrikeriak" ikuskizunaz gozatu ahal izan zuten.

Noaua Aldizkaria 2009 eka 15 Usurbil

Gazteak eta bihurriak dira eta Usurbilgo frontoian eskainiko duten ikuskizunak ere izenburu hori du, "Bihurrikeriak". Txirri, Mirri eta Txiribiton Junior pailazoak larunbat honetan izango dira gure artean, arratsaldeko 17:30ean.

Noaua Aldizkaria 2009 eka 10 Usurbil

Donostialdeko Eskola Txikiak Aginagan elkartu ziren aurreko astean. Aginagako ludotekan, Zubieta, Aia, Ereñozu eta Aginagako eskola txikiek antzerki saio bana eskaini zituzten.

Noaua Aldizkaria 2009 eka 08 Usurbil

Europako Legebiltzarra aukeratzeko hauteskunde eguna izango da igandekoa. Aste honetako NOAUA!n, inkesta bat egin dugu proposamen ezberdinen artean.

Noaua Aldizkaria 2009 eka 03 Usurbil

Denboraldi bikaina osatu du Usurbil KE taldeak. Neskak inoiz baino hobeto ibili dira eta, senior mutilak ere, Bigarren Nazionalera igo dira (Euskadiko Txapelketa bezala ere ezaguna). Zorionak!

Noaua Aldizkaria 2009 eka 02 Usurbil

Kalean egoteko giro ederra izan dugu gaur arratsaldean. Horri esker, asko izan dira Korrontziren doinuak deituta, Dema plaza ingurura hurbildu direnak. Zuzeneko saio polita eskaini du Bizkaiko folk taldeak.

Noaua Aldizkaria 2009 mai 30 Usurbil

Asteburu honetan, "Mariren Labirintoa" izeneko musikala eskainiko da lehen aldiz Donostiako Victoria Eugenia antzokian. Zumarte-Txiki abesbatza eta Konbo Taldeak hartuko dute parte. Gaur ostirala, arratsaldeko 18:30ean.

Noaua Aldizkaria 2009 mai 29 Usurbil

Korrontzi folk taldeak kontzertua eskainiko du larunbatean, arratsaldeko 20:00etan frontoian. Sarrera doan. Aurretik, kalejian ibiliko dira Kantu Taldekoak.

Noaua Aldizkaria 2009 mai 28 Usurbil

Arantxa Unanuek irabazi du sagardo botatzaileen lehiaketa. Bigarren Iker Muguruza izan da eta Urko Manterola hirugarren. Hirurek, Arzakek egindako sagar-postreak eraman dituzte sari moduan.

Noaua Aldizkaria 2009 mai 24 Usurbil

San Ixidro egunarekin batera, ikusmin handia piztu du gizon probak. Orio eta Usurbil aritu dira lehian. Ekaina bukaeran berriz errepikatuko da gizon dema.

Noaua Aldizkaria 2009 mai 15 Usurbil

Ostiral honetan, gizon proba edo gizon dema egingo da Usurbilen. San Ixidro egunez, meza nagusia eta gero, hamaiketakoa eta segidan pilota partida eta gizon dema. Ondoren, Saizarren egingo da bazkaria.

Noaua Aldizkaria 2009 mai 12 Usurbil