Buruntzaldeko udalek eta autoeskolek sustaturiko Gidabaimena Euskaraz egitasmoari lotutako urteroko zozketa egin zuten maiatzaren 28an. Guztira zortzi izan ziren sarituak; tartean, Usurbilgo herrikide bat. Saria jaso du dagoeneko, gidabaimenaren atal teorikoa euskaraz landu eta hizkuntza berean gainditzeagatik.

Asteazken honetarako, ekainaren 3rako antolatu du Etumeta AEK euskaltegiak laugarren literatura lehiaketari lotutako sari banaketa ekitaldia. Bestalde, euskaltegitik jakinarazi dutenez, zabalik da 2026-27 ikasturterako aurrematrikulazio epealdia.